طرحت الفنانة أيتن عامر أغنية جديدة تحمل اسم “خطافة الرجالة”.
ونشرت أيتن صورة لها، عبر حسابها الرسمي بموقع التواصل الاجتماعي Instgram، وعلقت قائلة: “أغنية خطافة الرجالة لكل بنت عندها واحدة مقضياها لايكات وقلوب لحد ميخصهاش والأغنية موجودة دلوقتي وتقدروا تسمعوها على منصة (spotify)، كلمات أحمد علاء، ألحان نييس، توزيع زووم”.
وتقول كلمات الأغنية:
عاملة لاف على صورته وانا حبيبته ومش هاقف اتفرج وانا هقفش جامد ده البارد عمال بيهرج يا نهار ابيض كده مش فايت انا قلبى مولع نار شايط بقى بيني وبينها انا تار بايت ده متعرفنيش و دي قلة ذوق كدة مش طالبه بزياده لطافه دي عميت في عنيها العيب فيها ولا انا شفافة انا موتي و سمى اللي قافلني بتبص في وشي وتحضني ومن ضهري بتلعب و تخونى وكله على مفيش
خطافة الرجالة حرصوا منها تلعب على مين لا ده بعينها اللى تقربله الله يعينها مش هسكت ولا هقف اتفرج خطافة الرجالة حرصوا منها تلعب على مين لا ده بعينها اللى تقربله الله يعينها جمهورى كبير يملى مدرج
خطافة الرجالة ولا عاش ولا كان اللي يقرب من حد بحبه دة انا اصلي قعدت اما دخلت و ربعت في قلبه دورها في حياته يدوب مشهد و انا بطله فيلمه الناس تشهد ومكنتش احبها تتعقد بس اعمل ايه
عينك يدب فيها رصاصه راحه جايه عليه زي ما بيقولوا عنيها فيه وتقول عماله تلفى و بتحاولي و تقولى لا ذوقي ولا ستايلى و أتاريكي عماله تتحايلي علشان تشوفيه
وطرحت الفنانة أيتن عامر، في مارس الماضي، أغنيتها الجديدة “كانت بتسهر” عبر موقع الفيديوهات “يوتيوب”، وهي أغنيتها الثانية بعد أغنية “بناقص” التي طرحتها مؤخرًا.