محمد عساف يطرح اغنية لفلسطين “أمل إصرار حياة”


طرح الفنان محمد عساف فيديو كليب اغنيته الجديدة التي حملت عنوان “أمل إصرار حياة” عبر موقع اليوتيوب وهي من كلمات نزار فرنسيس وموسيقى ميشيل فاضل وإخراج مروان أسعد.

وتقول كلمات الاغنية

كل القصة ثلاث كلمات
أمل وإصرار وحياة
هيك اللي كانوا قبل منا
تحدوا الويلات وما كنا
وبكرة اللي جاي بيسأل عنا
شو عملتو بوجه الويلات

حط براسك ضل اتذكر
اللي قبلي وقبلك تعبوا اكثر
لما درب الحق تسكر
بعنادهم حقهم ما مات
يعني بكرة الصبح بيطلع
والشمس اللي غابت رح ترجع
الدنيا بتهز وما بتوقع
واحنا اقوى من الهزات

يا وطني اللي حامل اسامينا
وبترابك غفيو اهالينا
رح ترجع تضوي ليالينا
ونمسح بالحب الدمعات
يا بكرة اللي جاي استنى
وبالامل اللي جاي طمنا
اغنية كرامة صرنا
وعلى لسان المجد حكايات

لو كل الدنيا تركتنا
ما بنترك لحظة عزتنا
وإحنا عزتنا بوحدتنا
وحدتنا بكل الساحات
لو بتقوم الدنيا علينا
عالوعد الثابت ضلينا
رايات الحق بايدينا
ومرفوعة طلوع الرايات