ماذا قال راغب علامة عن المنافسة بينه وعمرو دياب!.. ويسرا تُذكره برحلة وتعاتبه


حل السوبر ستار الفنان اللبناني راغب علامة، ضيفا في برنامج “يوم ليك” مع الإعلامية سمر يسري، المذاع على قناة الحياة، وعن علاقته بالفنان عمرو دياب قال، لا توجد بينا منافسة يمكن كانت في البداية فقط، ولكن لا توجد منافسة وأنا بعتز بمعرفتي وعلاقتي به، وعلاقة الصداقة شيء جميل بينا واحنا نعرف بعض من زمان.

وعرض البرنامج فيديو مسجلا للنجمة الكبيرة يسرا، وقالت خلاله، وحشتني جدا ووحشتنا قعدتنا في مصر لانك علطول بتيجي في مصر والكورونا عملت شغل جامد وبعدت الناس عن بعضها جدا لكن أنت جوا القلب .

وأضافت يسرا، من أجمل أوقاتي لما روحنا اليخت على البحر مع شلة كبيرة من أصحابنا واتغدينا وانا عاوزة نقعد تاني كده، وأنت صديق عزيز وانا بعاتبك عشان بقالي كتير مشوفتكش، لان كل اللي يعرفك يعرف إنك جدع جدا.

ورد راغب علامة عليها خلال الحلقة قائلا، أولا انا بموت في يسرا وبتمثيلها وشخصيتها وجمالها وبذكائها وتواضعها، وهي حبيبة قلبي من جوا، ومش لاقي كلمات أوصفها ولساني بيعجز إني أحكي عنها، وأنا فعلا مقصر معها ومكلمتهاش بقالي فترة وانا بعتذر لها وأول حاجة هاعملها انى هاروح أزورها.