قالت الفنانة جنات، في لقائها مع الإعلامية منى الشاذلي خلال برنامج “معكم” والذي يذاع على قناة “cbc”المصرية، “عشت أحلى إحساس في الدنيا لما جت بنتي “جنات” بس بجد مسؤولية صعبة ومن أول يوم حمل حتى وقتنا الحالي لم أرتاح لحظة، وخسيت جدًا فترة الحمل لأني كنت باخد فيتامينات فخلتني مش باكل كويس بجانب الادوية اللي كنت باخدها سببتلي تعب أوي.
وتابعت جنات: والدتي أكتر واحدة مدلعة بنتى وبتاخدها في حضنها لما تيجي تنام وتلاعبها، بس هي بتحب باباها أكتر مني.
وأضافت، واجهنا مشكلة في بعد تسميتها على نفس اسمي، لما حد ينده يقول جنات ابص، فوالدها قالي أنا هحل المشكلة وهننده عليها نقولها “جيني”، بس بنتي طالعة طيوبة بس فيها مشكلة مش بتحب البنات وبتحب الولاد أوي، وهي عندها 10 شهور حاليا.
واستكملت: أنا صدقت إن الطفل بيعرف صوت أمه، لما جت بنتي وكنت بغني أغنية “عيون القلب”، لقيتها هديت أوي، ولما بعني حاليًا أو تشوفني في التليفزيون بتيجي بالمشاية جري عشان تتفرج، وكمان هي بتحب صوت أصالة وسميرة سعيد أوي.
برنامج “معكم” من تقديم الإعلامية منى الشاذلي على قناة ، ويعرض الخميس والجمعة من كل أسبوع في تمام الساعة 9 مساءً.