نشر في 11-04-2019 الساعة 14:19

كشفت الفنانة المصرية مروة نصر عن معاناتها من المرض بسبب علاج خاطئ وإهمال الطبيب المعالج لها، وقالت “مروة” عبر صفحتها الشخصية بموقع التواصل الاجتماعي: “هو لما دكتور كبير ومشهور وليه اسمه وبياخد فلوس كتير ويتسببلي في قرحة في المعدة ومشاكل كبيرة في المرئ وجابلي هو مستشفى ودكتور هو الي اختاره بالاسم وهو بيعمل المنظار علشان مشغول ومسافر.. يلاقي أن الدكتور الكبير هو اللي عملي مشاكل الأمعاء والمريء والقرحة في العملية الأولى”.

وأضافت” الدكتور الكبير كان مسافر عنده سبوبة وقالي الدكتور التاني كتب كدة علشان بيكرهه وبيطيق العمى وميطقهوش، مع العلم إن مساعد الدكتور الكبير كان موجود.. طيب حضرتك اختارته ليه ولو بيكرهك هيشيل مسؤولية تقرير رسمي ليه”.

وتابعت قولها: “الكارثة بقى اني دخلت فى متاهة علاج ملهاش اخر وتعب وألم طول الوقت زي اي إنسان أكل بره البيت لان بعدها بتحصل مأساة”، متسائلة “المفروض اني اعمل ايه مع الدكتور الكبير ؟ بعد ما اختفى من حياتي المرضية دوره خلص.. نسيت أقول ان الدكتور الكبير دخلني غرفة عمليات مرتين من غير تحاليل”.

يذكر أن آخر أعمال المطربة مروة نصر أغنيتها “حب قديم” ضمن ألبومها الجديد بعنوان “حلوة السهرة” وذلك بمناسبة عيد الحب، والأغنية من كلمات أحمد سرور وألحان مصطفى الشعيبي وتوزيع نادر حمدي.


أحدث تعديل 11-04-2019 الساعة 14:19