تحدث الفنان رامي صبري عن أزمته مع مؤدي الراب ويجز، وأكد أنه يحبه ولم ينزعج منه.
وقال رامي صبري في لقاء مع “عرب وود”: “كنت زمان بزعل وأنا قد ويجز كده وكنت بعمل أكتر منه وعارف أن هو عشان لسه صغير ومعندوش الخبرة بتاعة الرد أوي فاهم دي، أنا بحبه والله معنديش مشكلة معاه بحبه وبحب فنه وقلت كده”.
شاهد الفيديو بالضغط من هنا
وتابع رامي صبري: “أنا معرفش هو ليه اتضايق كده ممكن يكون حد سخنه إنما هو فنان وبيعمل مزيكا حلوة فعلا، وبقول كده على طول أنا مش ضد أي حد يعمل مزيكا أنا أكتر واحد مش ضد أي حد أنا دايما بقول كده أي حد من حقه يعمل أي حاجة طالما مش بيأذي حد يبقى يقدر يعمل أي حاجة”.
وكان ويجز هاجم رامي صبري بعد حديث الأخير عنه خلال لقائه في برنامج “حبر سري”.
وظهر ويجز في فيديو عبر خاصية القصص القصيرة في حسابه على Instagram وتحدث عن فنان وقال عنه: “هتكلم على فنان فاكر أنه عنده صلاحية يطلع يتكلم في أي وقت على أي حد والناس تسمع وتسكت، الفنان دا اسمه رامي، رامي دا بقى كل لما يقعد 5 شهور يزهق يطلع يتكلم في التليفزيون على بتوع الراب والهيب هوب وكده، طيب أنت بتتكلم أمتى عن بتوع البوب اللي أنت منهم، على فنك ومجالك وكده”.
وكان رامي صبري تحدث عن ويجز خلال لقائه في برنامج “حبر سري” وقال: “ويجز زعلان مني ومش عارف ليه أنا قلت إني مش بفهم كلامه ودي حقيقة بس قلت عليه إنه بيعمل مزيكا حلوة ومجتهد”.