قال الفنان محمد رمضان إنه لن يغني في الأفراح حتى لو عرض عليه مبلغ ضخم يصل إلى مليون دولار.
رمضان الذي يتصدر المشهد الفني في مصر والعالم العربي، قال في حديثه إن مسألة الغناء في الأفراح لا تندرج ضمن طموحاته الفنية، مهما كان العرض مغريا.
قال محمد رمضان: “مش غرور ولا تكبر، أنا مابغنيش في أفراح، لو هاخد مليار دولار ماغنيش في فرح، لأن أنا شركة كبيرة، هروح أتعزم واقعد في طاولة، ولو أغنيتي اشتغلت هقوم أرقص مع العريس والعروسة”
وتابع محمد رمضان: ده وضع أنا حطيت نفسي فيه واتعاملت بناء عليه، وحطيت خطة بناء عليه، ودفعت ضرايب وعملت ماركتينج لمحمد رمضان، أه ممكن حد يفهمها إني بقول على نفسه”، حسب تصريحاته لبودكاست “خارج إطار الشخصية”.
وأضاف محمد رمضان: أنا لو مكانك، وصحيت من النوم لقيت واحد عامل أغنية بيقول “أنا في الساحة واقف لوحدي” وبالعنف دا، وبعد كدة بيغظني وبيقول لي نمبر وان ويضحك، ممكن مايعجبنيش لأنه مالوش مرجعية، إحنا نجومنا المطربين بيغنوا في عيد ميلاد في فرح لشركة، وانا تعاملت مع نفسي، كبراند، شركة كبيرة اسمها محمد رمضان.
ونرصد لكم أبرز تصريحات محمد رمضان التليفزيونية.
مش هغني في أفراح حتى لو عرضوا عليا مليون دولار.
لو لقيت واحد طالع بيقول أنا نمبر وان، هعتبره متكبر زي ما الناس فهموه في البداية.
أنا استخدمت جملة نمبر وان مش علشان بتفاخر ولكن كطريقة أسوق بيها لنفسي
الناس ممكن تاخد عني انطباع غلط بسبب جملة أنا نمبر وان، لكني مش قاصد أظهر غرور.
مصر اسمها جاي من الإصرار، ولو حطينا ضمة هتكون مُصر.
الشعب المصري معروف بإصراره الدائم، وده اللي بيخليه قادر يتخطى أي صعاب.
أنا ماديًا راضي جدًا عن حياتي، ومبسوط باللي وصلت ليه.
عمري ما فكرت في التمثيل كوسيلة لجمع الفلوس، كان هدفي إني أثبت نفسي فنيا.
لما دخلت مجال التمثيل كنت عايز أترك بصمة حقيقية في الفن.
النجاح في الفن مش بس مسألة مادية، لكن إزاي تقدر تترك أثر.
يذكر أن محمد رمضان يشارك في مهرجان كوتشيلا، للموسيقى والفنون والذي يقام في نادي إمباير بولو بمدينة إنديو بولاية كاليفورنيا، وذلك على مدى عطلتين في نهاية الأسبوع، الأولى من 11 إلى 13 أبريل، والثانية من 18 إلى 20 أبريل 2025.
يذكر أن محمد رمضان ينشغل في تصوير أحدث أفلامه “أسد”.
وينتمي فيلم “أسد” لنوعية الأعمال التاريخية، حيث تدور أحداثه في عام 1280، إبان عصر المماليك، حين قاد العبيد ثورة ضد الجيش العباسي.
الفيلم من إخراج محمد دياب، وتأليف خالد دياب وشيرين دياب ومحمد دياب، ويشارك في بطولته إلى جانب محمد رمضان، ماجد الكدواني، رزان جمال، وكامل الباشا، وأحمد خالد صالح، وأحمد عبد الحميد.