حرص الفنان محمد عطية على توجيه رسالة لمنتقدي أحدث أعماله الفنية، بشأن أغنيته التي دعم فيها القضية الفلسطينية وتحمل عنوان “البطيخ”، والتي اجتازت المليون مشاهدة في ثلاثة ايام فقط، وذلك بعد الانتقادات التي تعرض لها من قبل البعض، وذلك عبر صفحته الرسمية على موقع التواصل الاجتماعي الشهير “فيسبوك “.
وقال محمد عطية في منشوره: “صباح الخير.. ردود الأفعال الفلسطينية و اهالي غزة تحديدا على الاغنية مخلياني مبسوط و راضي تماما عشان لو أسهمت بثانية واحدة تبسط اي فرد من الناس دي أنا كده فل جدا”.
أضاف محمد عطية: “مبسوط جدا انهم اكتر ناس بيدافعوا عني قدام النقد .. وطبيعي يا جماعة ان في ناس تشوف العمل وحش و ناس تشوفني زفت و ناس تحب و ناس تاني تتريق و ناس تشتم و ناس تشكر .. ده جزء لا يتجزء من شغلناتنا وأنا أصلا ماعنديش مشكلة خالص في كل ده حتى في التطاول لأن أنا عارف ان ده بيحصل و هيحصل معايا و مع غيري ومش لازم نخون اللي بيشتمني او نعايره.. ده عمل فني فحقه يقول اللي هو عاوزه.”
تابع محمد عطية: “اللغز المحير بالنسبالي ان اصحاب القضية نفسهم شايفين العمل عظيم ومبسوطين و الجيل الصغير (اللي أنا موجهله الاغنية) برضه مبسوط واللي ينتقدوا ولاد بلدي اللي من جيلي.. عامة أنا كل اللي بتمناه ان الناس تفضل تتكلم عن القضية و ناس تانية تعمل أعمال و يوفق منها ما يوفق و لا يوفق من لا يوفق المهم ما ننساش القضية و نفضل نحسس الناس هناك انهم في بالنا و انهم مش لوحدهم لان حقيقي ده بيفرق معاهم جدا”.
وتقول كلمات اغنية البطيخ
انت نجم في إعلاناتك بس أنا سلطان زماني
انت عايش طول حياتك على أمل تاخد مكاني
أحمر أخضر أبيض أسود ألواني تخليك تعاني
انت لو فهمك تقيل عادي جداً أقولها تاني
إسمي قبلك من سنين شوفه حتى عالخرايط
مهما تدفع في الكاشات مهما يابا تجيب وسايط
إسمي أكبر من كيانك إنت ليه محروق و شايط
Say my name
البطيخ
You’re Goddamn right
ده حمار و حلاوة
سكر و نقاوة
عالسكين يابا
غني ورايا للبطيخ
البطيخ البطيخ البطيخ
طعمك انت أصله ماسخ طعمي أنا سكر مكرر
في التاريخ أنا ميت كتاب و إنت سطرين في المقرر
انت نسخة فاشلة مني أصلي أنا و انت المكرر
ما إتخلقش اللي ينافسني يلا يابا طريقك اخضر
الشيطان وز في دماغك فهمك إني هنخ
روح بعيد إلعب يا شاطر كخ بس بس كخ
انت جاي أرضي تلاعبني روق هتلبس أحلى فخ
لما أقولك هش تسكت لما أقول بخ تبخ