أكد الفنان ولاعب الأسكواش العالمي هشام عاشور، على أنه معروف في العالم الخاص به، ولكن بعد زواجه من الفنانة نيللي كريم ازدادت شهرته نظرًا لجماهيريتها الكبيرة في مصر والوطن العربي.
وعلَّق هشام عاشور، في لقاء خاص مع الإعلامية نهال طايل، ببرنامج تفاصيل المذاع على قناة صدى البلد 2، على لقب «جوز نيللي كريم»، قائلاً: «أنا معروف في العالم بتاعي لكن مرة واحدة طلعت لعالم كبير جدًّا، لأن العالم بتاعها أكبر منِّي بكتير جدًّا، والناس عارفة أني أحرف واحد في الأسكواش، وأنا اخترعت ضربة جديدة في الأسكواش من كتر ما أنا بحب اللعبة، وكنت بلعب ماتشات استعراضية أكتر من الماتشات العادية في كل مكان في العالم وخاصةً الدوري الألماني».
وأضاف هشام عاشور، قائلاً: «معرفتش أطلع منها ازاي، فجأة بقيت زوج نيللي كريم، والخبرات دي أنا اتعلمت منها، أنا بضيف للي معايا واللي معايا بيضيف لي، وفي الوقت ده أنا زودتها في حاجات وهي زودتني حاجات، ومقدرش أزعل وأقول الوقت ده كان وحش، لأنه كان وقت حلو».
كشف الفنان هشام عاشور خلال لقائه عن السبب الحقيقي وراء انفصاله عن الفنانة نيللي كريم، الذي حدث خلال الأسابيع الماضية، وذلك بعد تداول أنباء تفيد أن أبناء نيللي سبب الطلاق.
وقال هشام «أنا مش حاسس إنها طليقتي وليها كل الاحترام والتقدير وهتفضل حبيبتي وهنفضل أصدقاء وده كلام مفروغ منه، ومش كل الناس اللي بتتطلق الحب بيختفي، لكن بيحصل تقصير في بعض الأمور وكان واضح إننا هنوصل لطريق الانفصال».
وتحدث هشام عاشور، عن مشاركته في مسلسل «روز وليلى» وتحضيره للشخصية التي جسّدها ضمن أحداث العمل الدرامي، قائلاً: «أنا من 2007 قررت أسجل كل حاجة بتحصل، هنزل في الشارع وأنا بلعب بطولة في باكستان أتكلم مع الحارس اللي قدام الفندق وأسجل طريقة الكلام، وبقى عندي مخزون داخلي للشخصيات».