طرحت الفنانة روبي أحدث أغانيها بعنوان «لو يرجع» عبر موقع الفيديوهات «يوتيوب»، بالتزامن مع الاحتفال اليوم الأربعاء بعيد الحب.
استمتع بالاغنية من هنا
أغنية “لو يرجع” من كلمات عليم، ألحان عمرو الشاذلي، توزيع ومكس ماستر هشام البنا.
وتقول كلمات الاغنية
لو يرجع تانى الوقت ..
كنت هحكّم عقلى
ولا كنت ف يوم هجاريك .. ولا كنت هردّ عليك
مهما الاقيك مُشتاقلى
لو يرجع تانى الوقت ..
مش هرضى تكون ليّا
وهشوف بعنين تانيين .. لو ترجع تانى سنين
هفرض سوء النيّه
لو كان ف الدنيا حاجات .. حاجات ممكن تتعاد
هرجع لليوم دا أكيد .. وامشى واسيبك فيه بعيد
واجبر نفسى ماحبّكش
لو كان ف الدنيا حاجات .. حاجات ممكن تتعاد
كنت أتمنّى انّى أعيش .. ماشوفكش وماتشوفنيش
كنت أتمنّى ماقابلكش
لو يرجع تانى الوقت ..
ولا كنت اتحمّلتك
ولا من إحساسى ادّيك .. زي ماكنت بعلّيك
كنت أكيد نزّلتك
لو يرجع تانى الوقت ..
كنت أكيد هتأنّى
قبل امّا فيوم اختار .. كنت ابقا لوحدى فنار
ولا جنبك ف الجنّه .
لو كان ف الدنيا حاجات .. حاجات ممكن تتعاد
هرجع لليوم دا أكيد .. وامشى واسيبك فيه بعيد
واجبر نفسى ماحبّكش
لو كان ف الدنيا حاجات .. حاجات ممكن تتعاد
كنت أتمنّى انّى أعيش .. ماشوفكش وماتشوفنيش
كنت أتمنّى ماقابلكش
لو يرجع تانى الوقت ..
كنت هحكّم عقلى
ولا كنت ف يوم هجاريك .. ولا كنت هردّ عليك
مهما الاقيك مُشتاقلى
يذكر أن روبي طرحت مؤخرا أغنية “3 ساعات متواصلة” من كلمات وألحان عزيز الشافعي، توزيع توما، وتقول كلماتها :ما تيجي حبة نستخبى من البشر.. من السواد اللي انتشر..
من العزول اللي مزاولنا وياما في أمورنا اتحشر.
تعالى نفصل فصلة 3 ساعات متواصلة..”.