تم تكريم الفنان اللبناني الشامل مروان خوري في مهرجان الموريكس دور 2023 عن مشواره الفني الناجح ولاستمراريته على مدى 20 عام. وقد قدم له التروفي الدكتور جمال فياض. وبعد تسلمه الجائزة قدم اغنية مسلسل كريستال.
واحدث اصدارات النجم مروان خوري فيديو كليب يسلملي اللي بيغار وطرحه عبر قناته الرسمية في اليوتيوب، وقد اقترب الفيديو كليب لتحقيق المليون الثالث بنسبة عدد المشاهدات
وتقول كلمات الاغنية
يسلملي الروقان
يسلملي الدوبان
قهوة وسكّر بيدوب
عم يغرق بفنجان
صُبح منوّر ورايق
ورد الاحمر سياجو
اول ما بيبقا فايق
شو بْحِبّلّو مزاجو
يسلملي اللي بيغار
وما بيبيّن عَليه
واللي مغطّى عطول
على كل اللي حواليه
واللي بنتزلّو دمعة
من شغلة زغيري مرّة
لو زعلو ضلّو جمعة
بيرضى ببوسة وغمرة
يسلملي اللي بيضلّ
معيّشني بأحلى جوّ
رغم الوضع الغريب
والضحك لْعم بيقلّ
نحنا منزعل طبيعي
هيك الناس ل بيحبّوا
بس منعرف نسامح
ما حدا بيكتم بيقلبو
يسلملي اللي بيغار
وما بيبيّن عَليه
واللي مغطّى عطول
على كل اللي حواليه
واللي بنتزلّو دمعة
من شغلة زغيري مرّة
لو زعلو ضلّو جمعة
بيرضى ببوسة وغمرة
واغنية مسلسل كريستال قدمها الفنان مروان خوري وقد اجتازت المليون مشاهدة، والمسلسل يعرض على منصة شاهد و MBC 1.
مروان خوري مغنٍ وملحنٌ وعازفٌ عاشق للفن والموسيقى من طفولته. بدأ مسيرته الفنية بعمر السايعة عشرة وتوالت بعد ذلك إنجازاته. قدم مجموعةً واسعة من الأغاني والألحان الرائعة له ولفنانين أخرين. كما شارك في الكثير من المهرجانات والفعاليات الفنية وحصل على العديد من الجوائز. معروف بلقب الموسيقار ولقب الفنان الشامل.