حرص مهرجان القاهرة للدراما على تكريم النجمة منة شلبي في حفل افتتاح دورته الثانية المقامة في مدينة العلمين الجديدة.
وتحدثت الفنانة منة شلبي في كلمتها قائلة: «أنا ممتنة جدًا إني بتكرم النهاردة وسط أساتذة ونجوم كبار، الدكتور يحيى الفخراني استثنائي لأنه تاريخ كبير وبالنسبالي عيلتى التانية».
وتابعت: «ومبسوطة إني بتكرم بجانب منى زكي وكريم عبدالعزيز وكاملة أبو ذكري وبيتر ميمي حبيب قلبي، وماجد الكدواني عشرة العمر وحبيب قلبي، وشكرا جداً إني بتكرم من دراما بلدي، وشكرًا للدكتور أشرف زكي ويحيى الفخراني».
وكان قد كشف الفنان محمد محمود عبدالعزيز عن وصية والده له.
وتحدث خلال الفعاليات قائلًا: «أبويا لسه موجود، ومن الحاجات اللي بتسعفني إني لسه عايش وحاسس إنه لسه موجود».
وتابع: «من الحاجات اللي كنت خايف منها وأنا بادئ أنتج إني أسحب من رصيده اللي شوفته النهاردة من ضمن الأعمال اللي اتعرضت جبل الحلال وباب الخلق».
وأردف: «سعيد إني قدرت أقدم لأبويا حاجة تعيش في تاريخه وتفضل موجودة.. وزي ما كان أبويا بيقوللي مصر حلوة أوي، حبوها.. دي وصية أبويا ليا».