انتقدت الفنانة فيدرا ضيق مساحة مصلى السيدات في المساجد.
وقالت فيدرا، خلال فيديو نشرته عبر صفحتها بموقع التواصل الاجتماعي Instgram: “أنا عندي سؤال.. احنا طبعا عارفين إن في الجامع الستات بتصلي بعيد عن الرجالة وبنبقى منفصلين، بس هو السؤال اللي أنا مش لاقية ليه أي رد.. هو ليه دايما المصلى بتاع الستات صغير ومكتوم ومقفل بحواجز ومدخله جانبي كده زي ما يكون مثلا مدخل باب المطبخ”.
وأضافت: “احنا ليه بنتعامل كدة؟ احنا ليه بنتعامل معاملة المواطن الدرجة التانية؟ يعني ليه المصلى بتاعنا ميبقاش يشرح؟ ليه المصلى بتاعنا ميبقاش مدخله حلو وجميل زي مدخل مصلى الرجالة؟ ليه ده مش متحقق للست؟ ليه أنا كمسلمة داخلة أصلي أتعامل معاملة مواطن درجة تانية؟”.
وتابعت: “تلاقي الرجالة عندهم براح مرعب، في رجالة أكتر بتروح تصلي صلاة الجمعة وكل الكلام ده احنا عارفينه بس اعملولنا حاجة أصغر أو أقل لكن إعملوها حلوة.. إعملوا مدخلها محترم وحلو مش مدخل كدا على جنب كأنهم ناس مش مهمة داخلة تصلي.. الست دي كائن مش مهم تدخل بقى من مدخل جانبي كده.. ليه مش فاهمة؟”.
واختتمت الفيديو، قائلة: “إعملوا حساب للستات شوية مش هيجرى حاجة لو عملتوا حاجة حلوة للستات وهي رايحة تصلي”.
في سياق اخر، تنتظر فيدرا فيلم “العميل صفر” المقرر عرضه يوم 16 أغسطس المقبل بدور العرض السينمائي، بطولة أكرم حسني ، لبلبة، بيومي فؤاد، أسماء أبو اليزيد، ليلى عز العرب، وأخرين.