طرح الفنان اللبناني فارس كرم اغنيته الثانية من ألبومه الجديد التي تحمل عنوان “عالسريع” عبر قناة روتانا في اليوتيوب.
الاغنية من كلمات فارس اسكندر وألحان عبدالعزيز الطيار وتوزيع موسيقي عمر صباغ والاغنية من انتاج روتانا.
وتقول كلمات الاغنية :
عالسريع تعي لَـقلبي عالسريع في مواضيع لازم نحكيها
في مواضيع إنتي لما تغلّي فيي
بتفوّل البطاريّة بقلبي غرام وحنيّة
وبضاين عشر أسابيع
عالسريع
بدي شوفِك بدي ضمِك وشوف وين بيتي بِدمِك
قاطع نفس حتى شمِك ما تخلقيلي مشاريع
عالسريع
عالخفيف عطيني شي لمسة عالخفيف يا لطيف شو بحس فيكي يا لطيف
وأوعى عني تغيبي عني أوعى عاحلاكي بحب أوعى
عيوني عاغيابك دموعا متل الحاكمها نزيف
يا لطيف
بقلبي سحرِك شو بيسوّي كرامتو بصالح عدوّي
كل شي ألله عطاني قوّة قلبي قدامِك ضعيف
يا لطيييف
عالأكيد وحدِك بِقلبي عالأكيد بالأسيد الماضي حرقتو بالأسيد
وإنتي شمسي وإنتي أرضي زعلتي بخوَت حتى ترضي
بضل جمعة مش عا بعضي معلّق المصل ومريض
شووو مريض !!
بيعجزو فيي الأطبا وكل أدويتي بكبّا
بقلّن هاتولي اللي بحبا صحتي بترجع حديد
عالسريع
واجتازت اغنية “يسقط كل حدا سافل” اول مليون واكثر من 300 الف بنسبة عدد المشاهدات. والاغنية من كلمات رياض العلي وألحان علي عبدالكريم حسون وتوزيع موسيقي عمر صباغ.
وتقول كلمات اغنية يسقط كل حدا سافل
بطل في حدا طيب بطل في حدا ملاك
كلو بيطلع بالآخر نذل مسبّع الكارات
يسقط كل حدا سافل يسقط كل حدا خواّن
إلك الله يا غافل إحمدو عا نعمة النسيان
الله يستر من الجايي ما حدا بفكّر فيك
كلو بإيدو مكوايّ وع كيفو بدو يكويك
يسقط كل حدا سافل يسقط كل حدا خواّن
إلك الله يا غافل إحمدو عا نعمة النسيان
وينو الطّيب الحنون وينو هيدا الما بخون
لبتشوفو عينك مرة بشوفك بعشر عيون