هاجمت الفنانة المصرية رنا سماحة فرقة “واما” بسبب مشاركة أفرادها في حملة “أنتش وأجري” على مواقع التواصل الاجتماعي.
وعلّقت على فيديو فريق “واما” عبر حسابها الشخصي في موقع “فيسبوك”: “عندي عتاب على قدر المحبة للفريق العظيم، اللي أنا واحدة من اللي اتربوا على فنهم وأغانيهم اللي تجنن (واما)، وأتمنى يتراجعوا عن الهزاراية لو اعتبرناها هزاراية اللي نزلت امبارح”.
وأضافت: “للأسف الهزاراية دي فتحت وهتفتح علينا باب مستنقع كبير، وكله دلوقتي اللي قرر يوزع واللي قرر ينتج ويتعامل مع القرف ده على أنه فن، أتمنى مننساش أن الفنان قدوة وانتوا نجوم كبار وكل فرد فيكم عنده تاريخ كبير يستاهل أنه يتخاف عليه، أتمنى تقبل كلامي بصدر رحب من محبة لفنكم”.