حلت النجمة ياسمين صبري، ضيفة في برنامج “صاحبة السعادة” مع الفنانة إسعاد يونس، المذاع على قناة Dmc، وقالت ياسمين صبري: “في ناس بتحب تبقى شاغلة الناس، ولكن انا شخصية عندي اكتفاء من جوايا وإن مش بدور أني أشغل الناس وهي حاجة من عند ربنا”.
وتابعت ياسمين صبري: “الفنان محمود عبد العزيز في مسلسل جبل الحلال كان بيعاملني أكني بنته وبينصحني وبيكلمني، وقالي خلي بالك من الدايرة اللي حواليكي هما دول اللي بيوقعوا، وبحمد ربنا أن ربنا حط ناس كويسة في حياتي من بدري، وغير اني بسمع للي حواليا أنا عندي عينين وبدور وأقول لنفسي أقدر أعمل إيه أحسن من كده”.
وأضافت: أنا بعرف أضحك على نفسي، يعني مثلا لما بتفرج على حاجة لنفسي، ويأتي مشهد مش عاجبني بقول يا نهار أسود وأحيانا بقلب القناة، ومش بكون متأزمة، وزي ما انا كده برده لما بشوف مشهد عملته حلو بشكر في نفسي زي مشاهد كتير في مسلسل طريقي عملتها حلو”.
وتعاقدت ياسمين صبري على بطولة مسلسل جديد مكون من 15 حلقة للعرض في شهر رمضان المقبل، واستقرت ياسمين على سيناريو من تأليف محمد رجاء ووقع الاختيار على المخرج خالد مرعي لتولى مسؤولية العمل الذي يتم التحضير له حالياً حيث يجرى الاستقرار على الاسم للعمل وترشيح الفنانين المشاركين في البطولة.