هاجمت الفنانة الاستعراضية دينا المطرب عمر كمال بعد إعلانه استغنائه عن الراقصات في أعماله الفنية الجديدة.
وقالت دينا، في تصريحات لبرنامج Arabwood: “أنا مش فاهمة أساسًا هو عايز إيه؟، عايز يتقرب من الناس، الناس بتكشف الكذاب وهو كذاب”.
وأضافت دينا: “بعد ما تعمل اسمك من وجود رقاصة جنبك جاي دلوقتي تتنصل من الموضوع طب ما تقعد في البيت”.
وتعجبت دينا من تصريح عمر كمال، خاصة وأنه في الأفراح التي يحييها يحرص الحضور من حوله على الرقص قائلة: “مليون واحدة بترقص حواليك في الفرح.. أنا ما بحبش النفاق زعلان أوي من الرقص دلوقتي، أنا ما بحبش النفاق والكذب”.
ويأتي إعلان عمر كمال عدم استعانته براقصات في أعماله الغنائية المقبلة، بعد تعرضه لموجة من الانتقادات السلبية من قبل جمهوره بعد استعانته بالراقصة الاستعراضية أوكسانا في فيديو كليب “ضيعنا”.
وصرح عمر كمال قائلاً: “أوكسانا فوق راسي، إنسانة كويسة ومحترمة، وده شغلها، بس ممكن الناس مش متقبلة ده، وعشان كده قررت أبعد عن ده خالص”.