علَّقت الراقصة المصرية دينا، على وصف والد الفنان حسام حبيب لنجله بأنه “تربية واحدة ست”.
وقالت دينا، خلال برنامج “الستات” على فضائية “النهار”، إن “كل رجالة مصر مربياهم واحدة ست، الزوج بيكون في شغله طول النهار ويرجع بالليل ما بيربيش”.
وأضافت: “إذا حصل انفصال، ليه الراجل بيبقى مش موجود في حياة أولاده؟ يقدر ياخد الأولاد خميس وجمعة ويربّيهم، لكن هو مش عايز يكون موجود”.
ورداً على سؤال: هل عانى ابنك بسبب عدم وجود الأب في حياته؟ قالت: “طبعاً، عدم وجود الأب حاجة صعبة جداً على الأولاد وعلى الأم، ودايماً أنصح أي صاحبة تتجنّب الطلاق، لإنها مش هتقدر على الأولاد لما يصل سنّهم 12 سنة”.
وأضافت دينا أنها ربّت ابنها على الاعتماد على نفسه، ووافقت على اتجاهه لدراسة الطبخ رغم اعتراضها في البداية، بعدما ذكّرها بأن أهلها لم يوافقوا على امتهانها الرقص لكنها نجحت فيه… وعلى الرغم من امتلاك ابنها أذناً موسيقية وإجادته الرقص، إلا أنه لا يفكر في العمل بالفن.