كشفت الفنانة المصرية رحمة حسن عن تطورات حالتها بعد تعرضها لعضّة كلب.
وقالت حسن، إن الجرح الذي تعرضت له بسبب عضة كلب، سيتطلب وقتًا للشفاء، بحسب رأي الجراح المتخصص الذي يشرف على علاجها، كما طمأنت متابعيها على الكلب أيضًا.
وشكرت الفنانة المصرية كل من اتصل وسأل عنها، واعتذرت منهم في منشور عبر حسابها الرسمي على إنستغرام، لأنها كانت متعبة، وغير قادرة على التواصل، بسبب إصابتها .
وكتبت :”انا متشكره جدا لاهتمامكم ولكل الناس الي كلمتني تطمن عليه ، واسفه اني ماقدرتش ارد علي معظم الناس لاني كنت تعبانه ومش قادره اتكلم ، انا رحت المستشفي النهارده وكشفت عند جراح متخصص وهو غير علي الجرح وعمل الازم والحمد لله طمني ، وقالي اتابع معاه الفتره الجايه واني هاكون كويسه انشاء الله والجرح هاياخد وقته وهايخف .
وبالنسبه للكلب فاحنا اتكلمنا مع صاحبته وطلبنا منها توديه مركز تاهيل وتدريب علشان تعدل سلوكه ، وتبعت لنا الورق الرسمي الي بيثبت انها ودت الكلب فعلا ، والا هاعمل محضر .. وساعتها الكلب الي هايتضر ، ودي حاجه ماترضيش حد . وهي كانت متفاهمه جدا و وافقت وقالت انها هاتعمل كدا اول الشهر الجاي ، علشان اخوها الي هايوديه ويتولي مسئوليته .
الحمد لله انا كويسه و الكلب كويس .
واتمني ان صاحبه الكلب تصدق في كلمتها وتودي الكلب فعلا مركز تعليم ويبقي كويس “.