أعربت الفنانة “شكران مرتجى” عن حزنها الشديد لفقدان والدتها، كما أنها لم تستطع حتى اليوم تجاوز هذه المحنة التي تعيشها، على الرغم من أن البعض يعتقد أن حزنها على والدتها مبالغ فيه.
ونشرت “مرتجى” عبر صفحتها الرسمية على “فيسبوك” صورة لها باللونين الأسود والأبيض وعلقت: “كتار بيشوفوا حزني ع أمي مبالغ فيه بعرف، ولكن الحقيقة وفاة أمي فجرت حزن العالم كله اللي جواتي، ما كنت بعرف إني صابره ع كتير شغلات بالحياة لأنه كان فرحي وجودها ولو ما شفتها كل يوم، كانت محققتلي حالة من الرضا غريبة وحاله تقبل كل الظروف بطريقه غير مباشرة”.
وأضافت “مرتجى”: “وفاة أمي الشعرة التي قسمت ظهري نعم، هلق أنا بحالة من عدم تحمل أي شي، وخاصة الحال العام اللي كلنا عم نمرق فيه صرت حقيقة شوف الكاسة فاضيه حتى لو مليانة”.
وتابعت “مرتجى”: “كانت هي بمثابة الداعم لقلبي كل ما بده يفرط هالداعم ما بيخليه بعتقد في شي هيك بجراحة القلب وإذا ما في بقترح يعملوه وخاصة للي فقدوا أمهاتهم أو داعميهم من الأحبة، بالمختصر اللي ناطرني أرجع متل ماكنت هئ وتسئ وما بعتقد صعب كتير مو لأني دراما كوين لأنه أمي أخدت معها كل شي حلو”.
وختمت “مرتجى” منشورها: “أنا هلق بالضبط متل بنت صغيره كانت ماسكة ايد أمها فجأة هالإيد راحت والبنت بالعجقه عم تدور ع أمها وتبكي وتقول للعالم بدي أمي بدي أمي”.