طرح الفنان اللبناني فارس كرم اغنيته الجديدة التي حملت عنوان “ع موعدنا ولا شو؟” عبر قناة روتانا في اليوتيوب وطرحها على طريقة الفيديو كليب الذي تعاون فيه مع المخرج جو بو عيد، وقد تلقى اصداء ايجابية وتهاني بعد ساعات قليلة على طرحها.
والاغنية من كلمات حياة اسبر وألحان فضل سليمان وتوزيع عمر صباغ.
كلمات الأغنية
عَ مَوْعَدْنا ولاّ شو
عَ مَوعَدْنا ولاّ شو نِبْدا الحُبّ نْبَلِّشو
نِنْسَى الزّعَلْ نْطَنِّيشو نْطَنِّيشو نْطَنِّيشو
قَلْبِك بدِّي عَيّشو جْنونِ مَنّو عايشو
روحي و روحِك عِلْقو ببعض تْهّدّو مْنيح تْكَمّشو
تْهَدّو مْنيح تْهَدّو مْنيح تْهَدّو مْنيح تْكَمّشو
تعي نْعِيشَا جْنون مَعْ بعِضْنا نكون
كل شي منحِسّو بتِحْكي لْعُيون لْعُيون
الحُبْ ما فينا نِمْنّعو شو بَدّو نِحْنا مَعو
ما عِنّا وَقت نضَيِّعو نضَيِّعو نضَيِّعو
بدّي قلبِك إسْمَعو بقلْبي عم يُرْقص معو
كل اللي بدّي يا مِنِّك نَظر عَيْنِي شَبِّعو
نَظر عَيْنِي نَظر عَيْنِي نَظر عَيْنِي شَبِّعو
تعي نْعِيشَا جْنون مَعْ بعِضْنا نكون
كل شي منحِسّو بتِحْكي لْعُيون لْعُيون
مِشْ حِلُو الحُب مِشْ حِلُو نعيش كل مين قلبو قلو
والحُب أنا ما بزعّلو ما بزعّلو ما بزعّلو
ألو ألو يا قلبا ألو قلبي عِنْدَك دَلِّيلو
بْحِبّا أنا بْحِبا كتير وحُبّا كِلْنِي لا إلو
حُبّا كِلْنِي حُبّا كِلْنِي حُبّا كِلْنِي لا إلو
تعي نْعِيشَا جْنون مَعْ بعِضْنا نكون
كلّ شي منحِسّو بتِحْكي لْعُيـــــــــــــــون
تعي نْعِيشَا جْنون مَعْ بعِضْنا نكون
كلّ شي منحِسّو بتِحْكي لْعُيون لْعُيون
ويستعد الفنان اللبناني فارس كرم لجولة فنية كبيرة في الولايات المتحدة الاميركية اذ يلتقي جمهوره من الجاليات العربية بسلسلة حفلات يبدأها يوم 4 اذار في دالاس، يتبعها حفل في 5 منه بهيوستن، وبعدها في 11 منه في ديترويت، كما يتبعه حفل في 12 منه بنيوجرسي، ويوم 18 منه كلايفلاند، ويتبعه حفل في 19 بلاس فيغاس، وفي 25 منه في اريزونا ويوم 27 في اورلاندو.