باشر الفنان المصري أحمد عز تصوير مشاهده بمسلسل “الاختيار 3″، المقرر عرضه في موسم رمضان 2022.
وفي تصريحات لبرنامج MBCTrending على هامش العرض الخاص لفيلم “الجريمة”، قال أحمد عز: “الاختيار إن شاء الله هبتديه بعد بكره، موجود مع كاست كبير جدا شرف ليا أشتغل معاهم، أستاذ كريم عبد العزيز، وأستاذ أحمد السقا، إن شاء الله نعمل حاجة كويسة.”
وعبر أحمد عز عن سعادته بطرح “الجريمة” في دور العرض السينمائي قائلا: “فخور إني متواجد في الفيلم، التجربة الثانية بعد فيلم الممر مع نفس شركة الإنتاج أستاذ هشام عبد الخالق، والمخرج الكبير أستاذ شريف عرفة، شرف ليا إني أشتغل معاه، وكاست كبير جدا مبسوط إني موجود معاهم، ونوعية فيلم جديد معملتهاش قبل كده، يارب نعمل حاجة كويسة.”