مدرب زوجة محمد صلاح يرد على الانتقادات بعد نشره صوراً لها


أثارت ماجي صادق زوجة الدولي المصري محمد صلاح انبهار رواد مواقع التواصل الاجتماعي بعدما ظهرت بمظهر أنيق خلال تسلمها جائزة القدم الذهبية 2021 التي حصدها الفرعون المصري والتي تُمنح للاعبي كرة القدم الذين بلغوا سن 28 عامًا ويحققون أكبر قدر من حيث حياتهم المهنية وشخصياتهم.

وظهرت ماجي رشيقة القوام ونالت عبارات إشادة كبيرة على مواقع التواصل الاجتماعي بعد ظهورها المميز مما جعل مدربها مينا سمير يفخر بمجهوده معها خلال الفترة الماضية.

ونشر سمير صور لماجي قبل وبعد البرنامج الصحي الذي وضعه لها تدريبها في صالة الجيم الخاصة به وعلق على ذلك:” والله ياجماعه انا مبسوط من كل الكومنتات الاي بتقول يعني سابت دكاتره العالم ومدربين لندن وجاتلك واللي مش مصدق بيفرحني اد ايه ان اسمي يوصل لحد زيها وتنورني في الجيم وتتابع معايا اونلاين تدريب وتغذيه والتزمت التزام ابطال وتاني مره والد محمد صلاح نورني في الجيم وده شرف ليا اني اتعامل مع عائلة صلاح ومعرفش بجد والله انا بدرب مشاهير كتير اونلاين ومش بقول وده من زمان يعني من سنين فين المشكلة”.

واردف:”” انا منسبتش الفضل ليا خالص عشان ده عيب
انا قولت كنت جزء من الرحلة أنا عملت خطة التدريب والتغذية اونلاين وكنت الهدف انها تعيش حياه صحية وكنت فخور انها اختارتني ووثقت فيا وفعلا التزام مش طبيعي مصدقتش والموضوع كان تحدي بنسبالها واتفاجئت في تاني مرة من النتيجة وكل الصور كانت ب اذن طبعا وبشكرها انها خلتني جزء بسيط من النجاح ده وان ده كان من فترة مش حاليا خالص وربنا عوض تعبي سنين من انظمة مجانية للوطن العربي كله واني كنت بسيط من تغيير عادات المجتمع الخطأ في التغذية.

واخيرا انا بدرب ناس كتيرر اونلاين مشاهير وغير مشاهير ومن ٣ سنين مش بقول ده يعني كنت بعلن زمان دلوقتي بحتفظ بنتايجي لنفسي”.

كانت قد تسلمت ماجي صادق زوجة المحترف المصري محمد صلاح لاعب ليفربول الإنجليزى جائزة القدم الذهبية 2021 التي حصدها الفرعون المصري والتي تُمنح للاعبي كرة القدم الذين بلغوا سن 28 عامًا ويحققون أكبر قدر من حيث حياتهم المهنية وشخصياتهم.