واجهت الإعلامية اللبنانية راغدة شلهوب، الملحن محمد ضياء بفيديو لـ منة فضالي زوجته “السابقة، تقول فيه انه اعتدى عليها بالضرب، مردفا:” بتقول كده عشان تبقى تريند ويجيلها شغل”.
وتابع خلال حواره ببرنامج “نص الكلام” تقديم الإعلامية رغدة شلهوب والمذاع عبر قناة “النهار”،:” عمري ما ضربتها أقسم بالله ومقعدناش مع بعض غير حوالي 7 شهور”.
وأوضح:” انا ضد فكرة ضرب المرأة ولم أعترض على استكمال مسيرتها الفنية ولم أعترض على ملابسها ولكن كان اعتراضي على ملابسها الأوفر”.
وأكمل:” أنا صاحب قرار الانفصال لاني تعرضت لكثير من الضغوط وفضلت تجنب كل ذلك وابلغتها بقرار الانفصال بعد استقراري عليه”.
وتحدث الملحن محمد ضياء للمرة الأولى عن قصة زواجه عرفياً وطلاقه من الفنانة المصرية منة فضالي.
وقال الملحن المصري: “لما يكتمل شروط العرفي كلها أعتقد يبقى حلال، بما فيهم الإشهار والولي. ده حصل بعقد وإتعمل له صحة توقيع في محكمة بس مكنتش عايز أعلن الموضوع”، موضحاً: “أنا عملت ده عشان الزواج المؤقت اسمه زواج متعة، عملته كإنه خطوبة، حتى لو لمسة إيد يبقى حلال، مؤقتا لغاية ما أدخل مرحلة الزواج الرسمي”.
ونفى زواجهما عرفيا بسبب رفض والدة منة قائلا: “أمها كانت معانا من أول يوم لآخر يوم، وممكن أجيب لك الصور”. كما نفى ضربها وقال: “أقسم بالله عمري ما ضربتها ولا مرة. عشان أقسمت مرة زقيتها زقة كنت عايز أعدي، وقلتلها إبعدي كده”.
وعن سبب طلاقهما قال: “صورة شفتها معجبتنيش. أنا متفق معاها إن في حدود في إنك تلبسي لبس عريان شوية، أنا مبحبش اللبس العريان”.
وأضاف أنه شاهد الصورة ضمن مجموعة صور من جلسة تصوير لأغنية “فلانتين” كان يعدها لمجد القاسم، ولم تخبره فضالي بها.