في الذكرى السنويّة الأولى لإنفجار مرفأ بيروت في الرابع من آب، أبكت النجمة هيفاء وهبي الجمهور برسالتها الصادقة الّتي وجّهتها إلى بيروت وهي تقف على مقربةٍ من موقع الإنفجار وتحمل وروداً بيضاء اللون بيدها.
لا تخفِ هيفاء وهبي حزنها على ما آلت إليه الأمور بسبب انفجار بيروت، فقالت بتعابيرٍ مؤثرةٍ عبر منشورها على انستغرام وفيسبوك: “اليوم الذكرى الأولى لعيد موتك يا لبنان. تغيّر المنظر الي كنت شوفه من شرفة بيتي المطلة عليك يا مرفأ! كنت أوقف عالشرفة وشوف بيروت الحلوة، شوف الأضوية والناس عمتتمشى مبسوطة! هلأ صار المنظر جرح… صرت شم ريحة وجع وصرخة كل شخص فقد غالي عقلبه بالانفجار”.
واستذكرت هيفاء جميع الضحايا الّذين سقطوا يوم 4 آب وخصّت بالذكر شهيدة فوج إطفاء بيروت سحر فارس، كاتبةً “لكل طفل ولكل شاب ولكل صبية ولإلك يا سحر.. لكم يا ملائكة بالسما بهدي وردة بيضا متل روحكم البريئة الي ما ذنبها!”.
وناجت هيفاء وهبي العاصمة اللبنانيّة بيروت الجريحة ووطنها لبنان، فقالت: “المنظر تغيّر يا بيروت… بترجاكي ارجعيلنا يا حلوة اشتقنالك. ببوس إيدَك يا لبنان قاوم جبروتهم وقسوتهم ما تروح مطرح ما بدن ياخدوك. دخيلك يا وطنّا ما إلنا غيرك. يا سندنا ويا ضهرنا المكسور نحنا حدّك مارح نتركك لترجع توقف عإجريك، وقلّها لبيروت الي راقدة بالعناية الفائقة نحنا واقفين برّا بس عمبيقولولنا الزيارة ممنوعة ما عمبيخلونا نفوت نتطمن عليها”.
وختمت هيفاء منشورها المؤثر بعبارة لبيروت تداولها روّاد الإنترنت بكثافة، تتناسب مع الصورة التي طغى عليها اللون الابيض في الورود والفستان فبدت فيها كعروس الامل وهي تقول “اليوم لابستلك انا ابيض يا حلوة… لونك، لون الأمل اللي ما بدي افقده قومي اوقفي مشّي معنا نرجع لهونيك”.