هاجم الموزّع أحمد عبدالسلام، الملحن عمرو مصطفى، بسبب تصريحاته في برنامج «العرافة» مع الإعلامية بسمة وهبة، والتي هاجم فيها “الهضبة” عمرو دياب وتامر حسني.
وقال عبدالسلام في منشور عبر حسابه في «فيسبوك»: «مكنتش حابب اتكلم عن حد من زمايلي في الوسط الفني، ولا ده أسلوبي، لكن كلام الملحن عمرو مصطفى، استفزني جدا، أولا تامر حسني فنان ناجح جدا ومجتهد جدا ويستاهل يكون نجم الجيل بفنه وأخلاقه، ده بالنسبة لتامر حسني».
وأضاف: «ثانيا، انت دايما بتستغل اسم عمرو دياب، في أي برنامج ليك عشان تعمل شو، وتروج لنفسك، مش فاهم مع أنه أكتر حد وقف جمبك وكان سبب رئيسي في اللي انت فيه دلوقتي.. وعلى فكرة بقى عمرو دياب ناجح من قبلك بكتير وبينجح دلوقتي من غيرك برضه، وكذلك حماقي والجاسمي وكل النجوم اللي ذكرت أسماءهم… كفاية كده ومش هقولك غير كلمة واحدة ربنا يهديك وتركز في شغلك أحسن بدل ما تجيب في سيرة الناس».
وجدّد عمرو مصطفى الهجوم على “الهضبة”، قائلاً إن خلال مشواره الفني مع عمرو دياب حصل على إجمالي أجر يساوي الأجر الذي يتقاضاه عن إحياء حفلين، ومتابعاً: «عمرو دياب، اتشهر بسبب أعمالي، ومش هديله تاني، أنا بدي كتير، عمرو دياب قدم أغنية وطنية من غيري، وبعدها مفرقش معايا حاجة وقلت مع السلامة.. وشعرت إن عمرو دياب خذلني، واديته كتير، وقررت ما اديهوش تاني».
وامتد هجوم عمرو مصطفى ليطاول تامر حسنى، حيث قال إن الأخير لا يزال في بداية مسيرته الفنية، موضحاً: «إيه هو تاريخ ومسيرة تامر حسني؟.. لسّه قدامه كتير عشان يشتغل تاني، أصحاب تامر حسني بيجاملوه».