ودّعت الإعلامية اللبنانية ليال الاختيار في آخر نشرة أخبار لها عند الثانية والنصف من بعد ظهر الأحد مشاهدي قناة LBCI بعد سنتين على أول إطلالة لها على هذه الشاشة التي أتت إليها من قناة OTV.
وكانت ليال التي تقدّمت باستقالتها بسبب انتقالها إلى قناة “الحرّة” الأمريكية لتقديم برنامج سياسي تولّت تقديم نشرات أخبار رئيسية وحوارات مع شخصيات سياسية بارزة.
وودّعت الإعلامية المشاهدين باللغة العامية قائلة: “من سنتين جيت لهون خايفة مرعوبة وقلقانة، خايفة من الفشل ومرعوبة من اسم الـ LBCI ومن الأسماء الموجودة بالـ LBCI وقلقانة من إني اندم. بسنتين كل شي معقول يصير صار، لدرجة انه أول إطلالة إلي على هوا الـ LBCI بنشرة صباحية طافت الطرقات فقعدت ٦ ساعات نقل مباشر بوقت يلي كانت يمكن أول تجربة مباشر الي. سنتين غطّيت فيها قد عشر سنين من العمل الإعلامي بظروف طبيعية، ثورة، انهيار مالي، كورونا، أزمة منطقة وغيرها ما في شي ما صار fسنتين قعدت فيهن بالمحطة اكتر بكتير كتير من ما قعدت ببيتي.
بعد سنتين تعبت متل كتار من جيلي، مش بس من ضغط الشغل، بل من الضغط النفسي يلي عم نعيشه، لانه نحنا شباب ما خلقنا تا نموت لا من الجوع ولا من الفقر ولا نموت كرمال صراعات ما النا فيه.
نحنا شباب مش رح نرضى يموت الأمل فينا وبعدنا بعز عطائنا، لهيك قرّرت فل، فل تا ضل عم بحلم وتا ضلّ عم انجز وتا ضل عم حقّق”.
وأضافت: “جمهور الـ LBCI يلي رافقني بالسنتين لولاكم انا ما شي، لإدارة محطة الـ LBCI يلي دعمتني ووقفت حدّي بقول بحبكم كتير من كل قلبي، لكل الضيوف يلي وثقه فيني وطلعوا معي على مدار السنتين بشكركم من كل قلبي، بعد سنتين وبآخر إطلالة إلي على هوا هيدي المحطة رح قول للشيخ بيار الضاهر، سألتني بأول مرة شفتني فيها مين انت؟ اليوم بعد سنتين رح قلك انا بنت الـ LBCI ورح ضل بنت الـ LBCI لو وين ما رحت ولو شو ما صار”.