نشرت المخرجة ريما الرحباني ابنة الفنانة اللبنانية الكبيرة فيروز صورة مأخوذة من حفل “متحدون من اجل لبنان” الذي شارك فيه أسامة الرحباني، بالإضافة الى حديث اذاعي يبين تأليف والدها الفنان القدير للأغنية، حيث شنت هجوماً على الموسيقار اسامة الرحباني بسبب وضع اسمه كملحن لأغنية “حبيتك بالصيف” التي قدمتها فيروز في عام 1970 في مسرحية “يعيش يعيش”.
وقالت ريما في منشورها: “بعد مجزرة الأمسِ بالهُدُبِ او الهُدُبُّ بمعنى أَصَح او هَالدِبْ كمان بتمشي!”.
وأضافت: “إليكُم قصّة حبيتك بالصيف من مؤلفيها وملحنيها الأَصليين! ما بعرف منين ولا كيف ولا ليش ولا بأي حق إنضمّت مبارح للمجزرة!”.
وتابعت بقولها: “هيدا الطبل المُتعجرف والمُنافق المُتعربش والمُدّعي، مين سمحلو ينَصّب حالو مُمثل عن الإرث الرحباني؟ ومن ثُم هيك بيكون المُمثل؟ بيشوّه الإرث بهالفظاعة العالميّة وبيشحد عليه؟ وبيمضي الميلودي بإسمو كمان؟”.
وأضافت: “ليك يا ابني انّك تتعربش ع بيّك وتمحيه إسطفل منّك لإخوتك لبيّك! اما انّك تتعربش على فيروز وعاصي وتمحيهن؟ هاي طويلة ع رقبتك كتييير! اوعك تفكّر الإشيا ما إلها لا بداية ولا نهاية والدليل حاسم وجازم انو إبتدت النهاية بقرع الطبول اللي فلتُن ع المسرح مبارح هولي ياهن طبول الآخرة، آخرتك انت وانشالله تكون قريبة جداً لو مين ما كان وراك!”.