نشرت الفنانة أمل حجازي تعليقا عبر حسابها على موقع التواصل الاجتماعي “تويتر” تهاجم فيه الطبقة الحاكمة في لبنان.
وكتبت أمل: “كل واحد من حكامنا عمل بلبنان حرب وتسمّت الحرب بأسمائهم يعني كل واحد في رقبتو آلاف القتلى”.
وأضافت أمل قائلة: “يعني لو شافو لبنان مدمر وشعبوا مقتول بالنسبة الهم مشهد اكتر من عادي وبشك هلق يصير في انتخابات وما تضل الروس الكبيرة ذاتها لأن الخواريف عم تكتر وآخر فترة الطائفية بلغت ذروتها”.
وفي تغريدة ثانية اليوم كتبت حجازي:” اكتر مشهد استفزني من يوم يلي خلقت انو سقطت الحكومة وقعدوا يستشيروا بعض بالاسماء الجديدة بدنا انتو تنقلعوا من حياتنا الباقيين سهلين علينا انتو يلي شروشكن غارزة بقلبنا بدنا نقبعكن من شروشكن ان شاءالله بس انتطروا شوي لنصير ايد وحدة (حلم) ..#امل_حجازي“.
وتابعت في تغريدة ثالثة:”في واحد منن جايب ابنو معو ليبحث بالاوضاع الراهنة، ازم نفرجي اولادنا على صورتو ونقلهن هيدا العمو رح يصير مطرح هيدا العمو #قمة_الاستفزاز“.
ومنذ قليل انتقدت كاتبة :” بدل ما نلمّ شملنا لمّينا أشلائنا…”.
ونشرت اليوم ايضاً فيديو لانفجار مرفأ بيروت معلقة:” الى لبنان الحبيب رب الكون سوف ينصفك لا تيأس من ظلم البشر..العدالة الالهية آتية بإذن الله..”.
وأعلن حسان دياب، رئيس الوزراء اللبناني، استقالته وذلك بعد الأحداث المؤسفة التي شهدها لبنان، وخاصة بعد انفجار مرفأ بيروت.