أعلنت الفنانة المصرية داليا البحيري عن نتيجة فحص كورونا الذي خضعت له مع اولادها بعد ساعات من إعلانها إصابة زوجها حسن سامي بفيروس كورونا.
كتبت داليا عبر حسابها بموقع فيسبوك: “أحب اطمنكوا جميعا نتيجة المسحات طلعت والف حمد وشكر ليك يارب كلها طلعت سلبية ليا وللولاد كلهم والمساعدين في البيت🙏🏼🙏🏼🙏🏼”.
وتابعت: “شكرا يارب علي كرمك …احب اطمنكوا كمان ان حسن الحمد لله كويس وبيشكركم كلكم علي الرسايل والتليفونات بجد حبكم لينا ومساندتكم لينا عندنا بالدنيا وأحلي نعمة من ربنا”.
وأضافت: “وآسفة اني ساعات مش بلحق ارد على كل مكالماتكم او بضطر اقفل في نص المكالمة عشان دكتور بيتصل علي الناحية التانية او معمل او صيدلية…بجد بشكركم علي جمال قلبكم واهتمامكم ودعواتكم لأبو علي حبيب الكل ربنا يقومه بالسلامة وبشكر كل اللي بعت رسالة عشان مقدر لبختنا…انتم جميعا فوق الراس وجوه القلب…ربنا يحفظكم جميعا من كل شر ويحفظ عائلتكم وحبايبكم🙏🏼🙏🏼”.
وكان رجل الأعمال حسن سامي قد أعلن إصابته بفيروس كورونا المستجد، وإيجابية التحاليل الخاصة به.
وكتب حسن سامي عبر حسابه الرسمي على Facebook:”تحاليلي الخاصة بفيروس كورونا ظهرت إيجابية، الحمد لله علي كل شئ، حالتي كويسة جداً، دعواتكم مكونش نقلت العدوة لمراتي والولاد اهم حاجة، اسألكم الدعاء، ارجوكم بلاش اتصال، انا كتبت البوست علشان اي حد تعامل معايا او حد من القريبين مني يعرف مش اكتر”.