وجهت الفنانة المصرية رنا سماحة رسالة عبر حسابها الشخصي بموقع التواصل الاجتماعي “إنستغرام”، تعبر من خلالها عن حبها الشديد لبلدها بعد القرارات التي تم اتخاذها للتعامل مع أزمة فيروس كورونا المستجد “كوفيد 19”.
وكتبت رنا سماحة على الفيديو الذي نشرته عبر صفحتها وهي تغني النشيد الوطني المصري: “أنا من البلد الوحيدة اللي وانت ماشي في شوارعها هتشوف الغني والفقير والأبيض والأسود والمسلم والمسيحي والطويل والقصير والتخين والرفيع”.
وأضافت: “أيوه أنا من البلد اللي بترحب بكل الناس من كل البلاد، ومبتفرقش في المعاملة بين المصري واللي مش مصري، بل بنتعامل معاه أحسن كمان”.
واستكملت: “أنا من البلد اللي عايشين فيها من كل جنسيات العالم.. عمرنا لا قلنا يمشوا، ولا قلنا عبء ولا قلنا مضايقينا، عشان احنا جدعان أوي”.
وأضافت: “أنا من أكتر بلد في عز الأزمة اللي في العالم، بتطبطب وبتهون على شعبها وبتحاول تعوضهم بكل الطرق وفي كل المجالات.. أنا من البلد اللي جريت تجيب ولادها من كل دول العالم عشان تحافظ عليهم وعلى صحتهم وصحة أهلهم.. أنا من البلد اللي دايمًا واقفة في ضهر أي حد من البلاد اللي حواليها والتاريخ يشهد ويقول كتير.. أنا من أم الدنيا وست الدنيا مصر “.