تحدثت الفنانة ناهد السباعي خلال لقائها ببرنامج “شيخ الحارة”، والمذاع على قناة “القاهرة والناس” عن كواليس فستانها المثير للجدل والذي كشف جواربها الداخلية، قائلة: ” أنا زعلت من الصحفيين اللي كانوا بيصوروا ومقلوليش، وقبل ما أنزل من البيت الفستان اتفتح وماما عملته بدبوس، ولكن خلال الحفل الدبوس اتفك”.
https://www.youtube.com/watch?v=7T3JRTOT3pg
وأضافت السباعي ، قائلة “والله العظيم مكنتش عارفة إن هيحصل كدا.. غصب عني، وأنا عندي منطق في لبسي لو عريان من فوق ميبقاش عريان من تحت، لأن العري مش شياكة ومبقاش يميز اللي يطلع على الريد كاربت اللى يطلع عريان، لأن كل الناس بقت تلبس عريان، واللى يميز دلوقتي الفساتين الغريبة، مثل ليدي جاجا، وزي فستان الكنبة اللى اتريق عليه باسم يوسف، وهو كان قماش تنجيد فعلا وكان عاجبني، بهدف لفت الانتباه”.
كشفت الفنانة ناهد السباعي، تفاصيل إلغاء زفافها وانفصالها عن خطيبها، قبل ساعات من موعد إقامة حفل الزفاف.
وقالت السباعي، إن الذي حدث هو نشوب خناقة بين خطيبها مع شخص في الشارع أمام والدتها، مضيفة: “وأنا ادايقت أن هذا حصل قدامها لأن لها مكانة كبيرة عندي والمفروض ده ميحصلش قدام والدتي وده السبب.. ووالدتي خط أحمر”.
وأضافت السباعي خلال لقائها ببرنامج “شيخ الحارة” المذاع على قناة “القاهرة والناس”، أنه شخص طيب جدًا وأهله ناس جمال فوق الوصف، قائلة: “أنا مقدرش ابني سعادتي وراحتي على آراء الناس”، موضحة أنها اتخطبت لمدة 6 شهور، قائلة: “ممكن يكون عصبي ولكن عمره ما مد إيده عليا ومحدش يقدر يمد إيده عليا”.
وتابعت: “غلطنا في بعض كتير.. وبعد وفاة والدي، أخويا يوم الفرح مكنش سعيد ويوم كتب كتابي كان يوم العياط العالمي ونفسي أتجوز ويبقي عندي طفل.. ممكن أكون معقدة من الرجالة وانا اتربيت في بيت جدي بيكتب جوابات لي وأخويا كان حلو ومفيش في جماله، وملقتش زيهم ومفيش زيهم”.