نجمة “أراب أيدول” تعلن انفصالها عن زوجها


أعلنت الفنانة إيناس عز الدين، نجمة برنامج “أراب أيدول”، عبر حسابها الشخصي على موقع التواصل الاجتماعي فيس بوك، خبر انفصالها عن زوجها أحمد قمر.

وكتبت “إيناس”: “بعلن انفصالي عن زوجي أحمد قمر بكل حب وود واحترام وتقدير، ممكن نكون اختلفنا كأزواج إننا نكمل مع بعض أو النصيب وقف لحد كده، بس هيفضل صديق عمرى كله، بتمنالك كل خير وكل سعادة ونجاح يا أحمد يا أنضف إنسان عرفته فى حياتى، كله قسمة ونصيب، معلومة دى مش كدبة أبريل ولا ده خبر هزار”.

وتابعت “إيناس”: “تعديل.. هو ليه الناس مش متقبلة فكرة إننا انفصلنا وإحنا بنحترم بعض وبنحب بعض وشايلين لبعض الخير والتقدير، وإننا اختلفنا كزوجين وأكيد القرار ده ما اخدناهوش وليد اللحظة وقبل ما نعلنه اتناقشنا كتير وقررنا ننفصل بالمعروف وإحنا شايلين وفاكرين لبعض كل حاجة حلوة، مش لازم نذم فى بعض ونغلط فى بعض وكل واحد فينا يقول التانى كان مطلع عينه علشان الناس تتقبل فكرة انفصالنا”.

وأضافت “إيناس”: إحنا اختلفنا وصعب نكمل كزوجين بس مستحيل نبطل نفضل فى حياة بعض كأصدقاء لأننا طول عمرنا كنا أصدقاء حتى وإحنا متجوزين والعشرة مش بتهون بالساهل، ومش معنى إننا اختلفنا وانفصلنا كأزواج إننا نكره بعض ونغلط فى بعض وما نشوفش بعض ونعادى بعض، إحنا هنفضل أهل غصب عن أى شىء وبنكن لبعض كل حب واحترام وتقدير”.