حلّ الفنان حسام حبيب، ضيفاً على برنامج “et بالعربي”، حيث كشف تفاصيل جديد عن علاقته بالفنانة شيرين عبد الوهاب، معلناً السبب الحقيقي وراء تأخر طرح ألبومه الجديد رغم إعلانه عن طرحه منذ فترة.
قال حسام إنه لا يعلم شيئًا عن الوضع الحالي لشيرين عبد الوهاب، موضحًا أن آخر ما يعرفه عنها هو أنها كانت تقضي فترة نقاهة، وليس علاجًا.
وأكد حبيب: “والله العظيم ماعرفش حاجة عنها، بس أنا عارف إنها راحت تتعالج فترة نقاهة، مش علاج بمعنى الكلمة، كانت كويسة وزي الفل، بس دلوقتي معنديش أي فكرة عنها”.
وعن سبب تأجيل ألبومه، أوضح حسام حبيب أن أزمة صحية ألمّت به تسببت في تعطيل خطة الطرح، مضيفًا: “الألبوم كان المفروض ينزل من شهر ونص، لكن إصابتي بكسر في رجلي، بالإضافة الى مشكلة كبيرة في وتر أكيلس، خلوني أقعد فترة طويلة. لكن إن شاء الله قريب جدًا هيكون الألبوم كله جاهز للجمهور”.
كان حسام حبيب قد ردَّ على الشائعات التي أفادت بأنه عاد الى طليقته شيرين عبد الوهاب بهدف الحصول على المال منها.
وقال حسام في مداخلة هاتفية ببث مباشر مع الإعلامية بسمة وهبة عبر حسابها في “إنستغرام”: “هو أنا مشتغلتش قبل كده كنت عاطل ومش بشتغل قبل شيرين، أنا طول عمري من وقت ما اشتغلت مش باخد مليم من أهلي حتى في جوازتي أنا بعت فيلتي وعربيتي وساعاتي عشان ماخدش مليم من أهلي ولا من شيرين، أنا كنت بصرف كده ولو مشتغلتش أنا مش محتاج لشيرين ومش محتاج لحد وربنا ما يحوجني لحد ولا حتى لأهلي”.
وأضاف: “الناس معذورة سمعوا كلام مش حقيقي في وقت من الأوقات حتى شيرين بتقول حاجات في عصبيتها، هي عاملة زي الطفل في غضبها بتتنرفز وبعدها بتهدى”.
وأوضح حسام: “شيرين عبد الوهاب مفتقدة كل حاجة، الحنية والأهل والناس الكويسة لأن الوحشين أكتر، أقسم بالله هي مظلومة بالناس اللي حواليها، في شر لما تيجي توصفه الناس متصدقوش من كتر ما هو مش في خيالهم شر أنا مشفتوش لا في حكايات ولا روايات ولا الأديان ولا تاريخ ولا تخطيط بالشكل دا، هي دايماً بتقولي إنها معندهاش غير كلمة واحدة “ليه”، الأذى جايلها من أقرب الناس ومن كل حد أحسنت له عمل لها بلاوي وكل حد أحسن لها بيطلع عنه كلام عشان يبعد”.