طرحت المطربة كارمن سليمان، أجدد أغنياتها «صعبتها ع اللي بعدي»، بفيديو كليب مصور على مختلف المنصات الموسيقية الرقمية.
وتكمل كارمن رحلة إصدارات ألبومها الجديد «أصح غلطة» برابع محطاته، والتي تتغنى خلالها بكلمات أحمد المالكي وألحان كريم نيازي وتوزيع شادي ديفيد وإنتاج مصطفى جاد، والكليب من إخراج ريم عيد.
كلمات الاغنية:
لسه تعبك مابتداش..للأسف هتشوف كتير
لما بُكره هاتكتشف..ان انا الحب الأخير..
في حاجات راحوا وخلاص مش هتلاقيهم
مهما هتقابل فيه ناس هتشوفني فيهم
صعبتها ع اللي بعدي..كل اللي هاييجي ماشي
ومحدش بعد مني..هايلاقي مكان فاضله..
صعبتها ع اللي بعدي..وانا قولتها وانت ماشي
اللي بيتخلى عني..خسران العمر كله..
اللي هايكمل معاك..للأسف مالهوش حياة
مين يسيبلك دنيته..وانت أصلا مش معاه ؟
في حاجات مع غيري مش هاتحس بيها
واما هايبص ف عينيك هايشوفني فيها..
صعبتها ع اللي بعدي..كل اللي هاييجي ماشي
ومحدش بعد مني..هايلاقي مكان فاضله..
صعبتها ع اللي بعدي..وانا قولتها وانت ماشي
اللي بيتخلى عني..خسران العمر كله.
ويضم ألبوم «أصح غلطة» عشر أغنيات، صدرت منه أربع أغنيات خلال شهر يوليو الجاري، بداية من «حب ايه يا حسرة» و«الدنيا رايقة» مرورا بأغنية «طبطب عليا» وصولا لرابع إصداراته «صعبتها ع اللي بعدي».
و تتعاون كارمن سليمان خلال ألبوم «أصح غلطة» مع زوجها الملحن والمنتج الموسيقي مصطفى جاد «إم جي ريكوردز»، الذي تولى مهمة إنتاج كافة أغنيات الألبوم بجانب تلحين أغنيتين من أغانيه.
ويتزامن ألبوم «أصح غلطة» مع انتعاشة فنية تعيشها كارمن سليمان خلال بدايات موسم الصيف، انطلاقا من حفلها الاستثنائي في المغرب الذي تولت خلاله افتتاح فعاليات النسخة العشرين والأضخم من مهرجان موازين الموسيقي الدولي، وتستهل حاليا جولة حفلاتها الصيفية بعدة محطات في الساحل الشمالي تمهيدا لجولة حفلات في العالم العربي.