اطلقت شمس الأغنية اللبنانية الفنانة نجوى كرم اغنيات ألبومها الجديد الذي حمل عنوان “حالة طوارئ” عبر اليوتيوب وجميع المنصات الرقمية وهو انتاج شركة روتانا للصوتيات والمرئيات، لتُكمل بذلك الصورة الكاملة لألبوم متنوّع يبرز تجدد اختياراتها الفنية بنضوج واضح.
وشاركت الجمهور برسالة عبر تويتر :”انشالله أغاني ألبوم “حالة طوارىء” تعجبكن انتو ناس حقيقيين بحياتي لان محبتكن مش مشروطة دعولي”.
الألبوم يضم 4 أغاني جديدة وهم “حالة طوارئ” و“وينك حبيبي” و“شريك قلبي” و“أيّا أنا بدّك”.
وتحت عنوان “حالة طوارئ”، تعود نجوى كرم إلى التعاون مع عماد شمس الدين في الكلمات والألحان، في مزيج يعكس الكيمياء الفنية التي طالما ميّزت الثنائي، والذي قام بتوزيعها هادي شرارة، وميكس وماستر إيلي بربر
وتقول كلماتها
بما إنّك حدا سئيل..وما بترضى بالقليل
قلّي كيف يتقدر تسرقلي قلبي
وما بتترك دليل
عندي حالة طوارئ مش عاديي
النوم طاير من عينيي
النار ومسكتا بايديي..ياي
قلبي أنا بغرامك مبتلي
بركان وعم يغلي غلي
حتى أوقات بحسّو مش الي
قلبي مش الي..لأ مش الي
عندي حالة طوارئ مش عاديي
النوم طاير من عينيي
النار ومسكتا بايديي..ياي
وفي لفتة تحمل الكثير من الوفاء الفني، تجدّد نجوى كرم تعاونها مع ألحان الموسيقار د. طلال من خلال أغنية “وينك حبيبي”، من كلمات: طلال حيدر وألحان: الموسيقار د. طلال وتوزيع: فادي جيجي .
وتقول كلماتها
نطرتك والدنيا ليل ..لحالي وغريبه
عم يسألني الليل .. وينك حبيبي؟
اشتقت لك كتير.. وما بعرف شو بيصير .. وينك حبيبي؟
وينك حبيبي؟ تعا خذني بيديك ..
وينك حبيبي؟ تعا خبيني بعينيك ..
قلبي عم يسألني عنك .. وينك حبيبي؟
ما بعرف شو بدي قلك.. وينك حبيبي؟
اشتقت لك كتير..وما بعرف شو بيصير..
وينك حبيبي؟
وينك حبيبي؟ راح يخلص وقت الليل ..
وينك حبيبي؟ ما بعرف أمتى بترجع ..
قرب هالصباح يطلع.. وينك حبيبي؟
وانا عم ناديك بتسمع .. وينك حبيبي؟
اشتقت لك كتير..وما بعرف شو بيصير..
وينك حبيبي ؟
“شريك قلبي” وهي أغنية تحمل إحساسًا ناعمًا، تعاونت فيها مع إيفان نصوح في الكلمات والألحان، وواصل هادي شرارة توزيعها بأسلوبه المتجدد، فيما تولّى إيلي بربر الميكس والماستر،
وتقول كلماتها
تعا حط ايدك عـ قلبي
قلبي الالك نصّو
جسّ النبض جسّو
حسّ اللي عم حسّو لما بشوفك قبالي
وارتكى بحضني وعصدري
وعدّلي دقاتي وافحصلي دمّاتي
وقتا رح تعرف من بعدك
ما عندي غالي
إنتَ شريك قلبي شريك روحي وقلبي عحسابك
وطبيعي تمون على عيون عمري يهون كرمالك
وتبقى الحب الأبدي ورفيق العمر وسندي
عندي الدّنيي بكفّي وإنتَ بكفّي لحالك
لشخص غيرك بعمرا ما لمعت عيوني
وهيك انخطف لوني
ولا صرت مجنونة إلّا لمّا حبّيتك
إنتَ الوحيد بهالدّنيي
اللي ضعفت قدامو ووقعت بغرامو
وعيوني ما نامو إلّا لما ضمّيتك
إنتَ شريك قلبي شريك روحي وقلبي عحسابك
وطبيعي تمون على عيون عمري يهون كرمالك
وتبقى الحب الأبدي ورفيق العمر وسندي
عندي الدّنيي بكفّي وإنتَ بكفّي لحالك
وتحت عنوان “أيّا أنا بدّك”، والتي تعيد نجوى كرم الشراكة مع الشاعر نزار فرنسيس، ويعود معها الملحن عماد شمس الدين، بينما حافظ التوزيع والميكس على هوية الألبوم مع هادي شرارة وإيلي بربر،
وتقول كلماتها
قلت اللي عندي قول اللي عندك
أنا قلبي ناطر يسمع ردّك
أكتر حدا بيترك أنا وأكتر حدا بيبقى أنا
بين الأنا وبين الأنا
أيّا أنا بدّك؟
أنا في عندي بقلبي حُبّ
بيكفي الدّنيي لو بعطيه
لكن بعرف ردّ القلب
واحرم منّو اللي بيأذيه
أكتر حدا بيترك أنا وأكتر حدا بيبقى أنا
بين الأنا وبين الأنا
أيّا أنا بدّك؟
واللافت للنظر في أعمالها الجديدة جميعًا في هذا الألبوم أن نجوى كرم قامت بطرح جميع الأغنيات بشكل مصوّر فيديو كليب وبإطلالات مختلفة ولافتة ومتنوّعة، تؤكد تميزها أيضًا في “اللوك” المتجدد، حيث تولّى الإخراج لجميع الأغنيات الجديدة المخرج بيار خضرا.
بهذا الإصدار، تُثبت نجوى كرم مرة جديدة حضورها الطاغي على الساحة الفنية، واختياراتها الدقيقة التي تمزج بين الأصالة والتجديد، حيث باتت جميع أغاني ألبوم “حالة طوارئ” متوفّرة الآن عبر كافة المنصات الرقمية، ومنها “يوتيوب” على القناة الرسمية لروتانا.