علقت شام الذهبي ابنة المطربة السورية أصالة، على الانتقادات التي طالتها بعد انتشار فيديو لها خلال إعطائها الشال الخاص بها لإحدى المذيعات بسبب البرد، زاعمين محاولتها في تصدر التريند.
وقالت شام الذهبي، في تصريحات لوسائل إعلام مصرية :”اللي عايز ياخد حاجة زي ما هو شافها ياخدها، كل واحد في الدنيا بيشوف أفعال الناس من عينه وشخصيته وأفكاره، والمضطرب نفسيًا مبيشوفش الحاجة على حقيقتها ولا بـ إيجابية، فاقد الشيء لا يعطيه.
وتابعت شام الذهبي: المذيعة كانت بردانة جدًا والهواء كان ساقع أوي، وأنا كنت متدفية وإديتها الاسكارف المفضل بتاعي لأن كان عليه الخريطة القديمة بتاعة الكوكب، وهي كانت ست جميلة وحد بردان أدفيه وكنت عايزاها تفتكرني بحاجة، وفي الآخر لما بنكون حلوين بنشوف الحياة حلوة، والمضطرب وتعبان نفسيًا مبيشفش الحاجة حلوة ودول ناس غلبانين في نفسهم ومضطربين نفسيًا.
ابنة أصالة: أنا وأمي متصالحين.. وعمرنا ما خبينا عمليات التجميل
وعلى جانب آخر، سبق وأن علقت شام الذهبي ابنة الفنانة السورية أصالة نصري، لأول مرة على جدل تغير ملامحها وظهورها بملامح أصغر من سنها، حيث قالت في لقائها مع القاهرة 24: أصالة متصالحة مع نفسها وعفوية واحنا لما بنعمل ده بنوضح وبنقول، زي ما أنا قولت إني عملت عمليتين تجميل قبل كده واحنا مش بنخبي أي حاجة ولو عملت حاجة ومستفدتش منها بتقول وأي حاجة أصالة شافت منها أعراض جانبية مش بنتكلم عنها.