تحدثت الفنانة إلهام شاهين عن أهمية مشروع Digitized لرقمنة أرشيف الفنانين بالذكاء الاصطناعي مشيرة إلى حفاظه على التراث المنسي، وحكت عن مواقف تدل على ضرورة المشروع.
قالت إلهام شاهين في خطابها: “من 2011 لحد دلوقتي في هجوم كتير على الفن والفنانين ومش عارفة ليه الناس واخدة موقف من الفنانين. يمكن في تصرفات من الإعلام وهي التركيز على التوافه زي فستان الجونة اللي الناس بتقعد تمسك فيه وتقطع في الفنانين”.
وأضافت: “اللي هيحصل في Digitized هو إننا هنركز على التاريخ الحقيقي المخترم للفن. لما بنشوف ماتشات الكورة ومصر بتكسب دوري أو كاس، الناس كلها بتعرف. لكن لما فيلم مصري يروح مهرجان كبير وياخد جايزة كبيرة مش ناس كتير بتشوف ومش بيوصل لكل الناس”.
وتابعت إلعام شاهين: “الفنان سفير لبلده. الفنان مش فستان ومين اتخانق مع مين والحاجات التافهة اللي بقراها عالسوشيال ميديا اللي غيرت صورتنا أدام الناس وخليتها مش حلوة، لازم الناس تعرف الحاجات الكويسة قوي. فيلم واحد صفر خد 50 جايزة، دة شيء محصلش في أي مكان في العالم، هل حد يعرف حاجة عن الكلام دة؟ الصحافة تدور على حاجات خايبة، لكن الحاجات المهمة لأ”.
تنتظر الفنانة إلهام شاهين إطلاق فيلمها “الحب كله” من تأليف سيد فؤاد و إخراج خالد الحجر و إنتاج شريف مندور.