اهدى نجم الجيل الفنان المصري تامر حسني الجمهور اغنية جديدة بمناسبة عيد الحب بعنوان “30 حياه” بمشاركة الفنانة مها فتوني، والاغنية طرحها على يوتيوب وهي من ضمن البوم هرمون السعادة
الأغنية من كلمات تامر حسني ومؤمن راجح وألحان مودي منير وتوزيع كريم أسامة، أما الإخراج فكان لتامر نفسه.
وقد روج للاغنية عبر حساباته في السوشيال ميديا وارفقها بتعليق:”٣٠ حياه تامر حسني و مها فتوني من البوم هرمون السعاده كل يوم حب و انتوا طيبين”.
وتقول كلمات الاغنية
إنتي الوحيده اللي عارفه مفتاح قلبي فين
وإنت اللي لو قربلي هم بتبعده
بتحسي بيا في أي وقت بكون حزين
طب ما إنت قلبي في عز زعله بتسعده 2x
إنتي الحياه بالنسبه ليا واللي فيها
مش عايزه أعيش لو ثواني مش هشوفك فيها
خد مني عمري يارب كله وإديها
وأنا لو هعيش ٣٠ حياه هفديك بيها 2x
جنبِك أنا بقيت حد تاني أنا معرفوش
وأنا حبيت كل حاجه أولها معاك
بعلنها للعالم وإنتي بين إيديا
إنك هدية ربنا يا حبيبتي ليا
إنتي الحياه بالنسبه ليا واللي فيها
مش عايزه أعيش لو ثواني مش هشوفك فيها
خد مني عمري يارب كله وإديها
وأنا لو هعيش ٣٠ حياه هفديك بيها 2x
وكان تامر حسني قد أعلن عن كليبه الجديد وموهبته مها فتوني من خلال بوستر كتبه على صفحته صباح اليوم جاء فيه: الحقيقة من يوم ظهوري و انا بحاول اقدم اصوات جديدة ليكم على مدار رحلتي ، النهارده بقدم صوت مطربة بأغنية ديو معايا اغنية تبدأ بيها رحلتها الخاصة مع الجمهور المصري و العربي بشكل إحترافي في مشوار النجاح.
وأضاف: هي صوت من وجهة نظري من اهم الاصوات العربيه اللي فيها احساس و تمكن و خامة صوت خاصة ، و ان شاء الله هيكون ليها مستقبل كبير في عالم الأصوات النسائية في فترة قليلة وادي برضو أغنية تحبوا عليها في ايام الحب بدل اللي انا عامله فيكم من احزان من اول الشتا.
واختتم حديثه مكمل رحلتي معاكم في اكتشاف نجوم جديدة للمستقبل و كل فترة هقدم صوت عربي جديد من مصر او من جميع انحاء الوطن العربي.