طرح الفنان المصري تامر حسني احدث اغنياته التي حملت عنوان معلش بمشاركة الفنان زاب ثروت على يوتيوب
شاهد الكليب من هنا
وارفق الكليب بشرح:”ناس كتير مننا من كتر اللي جواها مبتعرفش تتكلم مع حد و يمكن لو اتكلمت و فتحت قلبها للي بتثق فيه دلوقتي ممكن يذلك او يعايرك بكل الوجع اللي حكيتهوله او يجاملك عشان ما يجرحكش لانه بيحبك بجد بس احيانا هتبقى عايز تعرف الحقيقه من غير مجامله ولا عواقب سلبيه بعد كده من حد يسمعك ميقاطعكش مهما اتكلمت سنين هيسمعك مش هيجاملك مش هيقلب عليك ،، الحد ده انا عبرت عنه في الكليب و اكيد كل حد فينا ليه الشخص اللي بتكتمل فيه الصفات دي. ياترى اللي هيسمع الاغنيه مين هييجي في باله ؟؟؟؟”.
وتقول كلمات الاغنية
معلش .. استحمليني
انتي بس اللي بتديني فرصه احكي وتسمعيني
معلش .. استحمليني
عارفك لما تواجهيني مش بتضعفي وتجامليني
لا بتزهقي ولا بتملي
سمعاني وكتمالي سري
صدقك بس هو فعلاً
حقيقي اللي فاضلي
قالوا الصديق وقت الضيق
دلوقتي بقى سببه
متسألش الحبيب ليه مشيت
عشان حضر خلاص عذره
هتموت مرتين لو قلبك
رجع للي خذلوه .. آه
ميت شكراً للي وجعنا
وخان فجأه الامانه
كده كنا هنتعب اكتر
لو كان طول معانا
شكراً للي علمنا
نهاية التقدير اهانه
الغدر مجاش غير من اللي
بحكيلهم اوجاعي
فكروني بالغنم
اكمل ولا مفيش داعي
يعيش عمره خايف من الديابه
وفي النهايه ياكله الراعي
معلش .. استحمليني
ويا جمالك وانتي في حالك
ساكته بتسمعي
ولا عمرك اشتكيتي رغيي
ولا مني بتصدعي 2x
شكراً تعبتك معايا
تصبحي على خير يا مرايا
معلش .. محدش فينا بيتعلم ببلاش
اتجرح واتعلم ولا ابقى ساذج وسط الناس
ما بلاش تستنى اي حاجه من اي حد
صاحبك بجد ميسيبكش لو الوقت شد
ولا اقولك كويس انه سابك اعرف قيمة غيابك
العيار اللي ميقتلش يقويك ده احنا في وسط غابه
يمكن عشان غلابه ( آه )
معلش .. طولت عليكي في الكلام شويه
تقلت عليكي عشان عارف انتي اللي باقيه ليا
دنيا وضاقت عليا مفضلش ليا غير الاغاني والمرايه ديا ( والمرايه ديا )
افضفض ليها وتسمعني ( تسمعني )
مفيش مكان في الكون يساعني ( يساعني )
كان نفسي اقول اللي جوايا واقول لمين ده كله باعني ( كله باعني )
وأحيا المطرب تامر حسني مؤخرا حفلا غنائيا ضخما ضمن حفل ختام مهرجان دبي للتسوق.
وقدم تامر حسني خلال الحفل مجموعة كبيرة من أشهر أغانيه القديمة والجديدة بالإضافة إلى أغنية موحشتكيش وهي أحدث أغاني تامر حسني على موقع الفيديوهات يوتيوب.
وحرص تامر حسني على مشاركة جمهوره فيديو من الحفل أثناء تقديمه أغنية موحشتكيش لأول مرة، وسط تفاعل كبير من الجمهور، حيث حققت الأغنية نجاحا كبيرا على صفحات السوشيال ميديا منذ طرحها وحتى الآن.
أغنية موحشتكيش
وتصدرت أغنية «موحشتكيش» للنجم تامر حسني، التريند على موقع “يوتيوب” خلال الساعات الماضية، وذلك بعد طرحها بيومين، عبر قناة تامر حسني الرسمية، ووصل عدد مشاهداتها نحو 7 ملايين حتى الآن.
أغنية «موحشتكيش» ضمن ألبوم تامر حسني الجديد الذي يحمل اسم «هرمون السعادة»، وتعاون تامر في الأغنية مع الشاعر الغنائي أمير طعيمة والملحن والموزع الموسيقي أحمد إبراهيم، وغلب على الفيديو كليب الأجواء الشتوية وظهر تامر حسني في مشاهد رومانسية مع ثراء جبيل مفاجأة الكليب.