شارك الفنان كريم عبد العزيز في احتفالية الذكرى الـ 50 على انتصار حرب أكتوبر المجيد بحضور الرئيس عبد الفتاح السيسي، وعدد من رجال القوات المسلحة وأبطال حرب أكتوبر.
قال الفنان كريم عبدالعزيز: “مرت علينا سنوات ونحن نعيش في سلام نبني في بلدنا ونربي في أولادنا حتى يناير 2011، حينما نزل الشعب المصري للميادين بمطالب مشروعة وبسيطة، والجيش وقف معاها وحماها بس للأسف الصورة اتخطفت”.
وأضاف كريم عبد العزيز خلال كلمته في الندوة التثقيفية للقوات المسلحة: “الشعب اللي كان نايم يحلم ببكرة صحي على كابوس، والجيش تدخل وخلصنا ووقف وقفة بطل، وقال اللي هيقرب من مصر أنا هشيله من على وش الأرض”.
وقدم كريم عبد العزيز كلمة مع منى زكي على المسرح جاءت كالتالي: بلدنا كبيرة وعظيمة ومهما عدى عليها بتفضل واقفة واثبتة وصلبة، كل الشغل اللي حصل على أرضها آخر كام سنة بيقول إننا نقدر.. لإن الشعب اللي بينجز شغل خمسين سنة في أقل من خمس سنين شعب مينهزمش ومينكسرش ولو وقع بيقف تاني، ومش إحنا اللي بنقول كده ده التاريخ اللي بيقول كده.. هنكمل اللي بدأناه ونبني الجمهورية الجديدة.. والتحدي مهما كان صعب هنقدر عليه.. وزي ما عدينا اللي فات هنعدي اللي جاي علشان مصر اللي بنحلم بيها، وطول ما احنا إيد واحدة هنقدر ونوصل وكلنا فداء مصر وتحيا مصر يا ريس.
وشهدت الندوة التثقيفية للقوات المسلحة أفلاما تسجيلية وعروضا فنية وغنائية، وتكريما لأسر الشهداء والمصابين وأبطال القوات المسلحة.