توقعات شهر اكتوبر للابراج مع خبير الطاقة والابراج مانو

الحمل♈

شهر لبداية جديدة بالنسبة ألك كلها نجاحات على الصعيد المهني بعد الشراكات الجديدة مع عالم مهمة واسمها كتير معروف أكيد والتحسن المادي عم يرافق كل هالشي لهيك خليك مصحصح كتير منيح عاطفياً أخطاء الماضي عم تتصلح وكلشي راح عليك عم يتعوض صحياً خفف من أكل السكر ما تكتر منو ولتزم بنادي

الثور♉

قرارات مهمة ومصيرية بدها تشغلك هالفترة واغلبها بالشغل لهيك خليك مصحصح ومركز ليكون كلشي لصالحك الأمور المادية من نص الشهر عم تتحسن بس خفف مصروفك مشان التزاماتك البعض منكن عم تشغلو سيارتو أو عم يشتري سيارة جديدة عاطفياً هتم بالتفاصيل الصغيرة قبل الكبيرة لتكمل فرحتك صحياً عم تشكي من وجع راسك شوي وممكن ضهرك

الجوزاء♊

عم تنشغل بنقلة على بيت جديد وتوقيع عقد لشغل جديد وطبعاً هالشي رح يكون لصالحك وكتير كمان عم تفوت بجو جديد عليك وبدك تتعرف على عالم كتير لهيك لازم تعرف تختار العالم يلي حواليك بالطريقة الصح والمكاسب المادية من أول الشهر رح تبلش توصلك عاطفياً ساير شوي بالبداية ليرتاح راسك بعدين صحياً ممكن تنشغل بسنانك شوي

السرطان♋

روحاتك وجياتك بدها تكتر هالفترة وطبعاً كلا لشغل لهيك قليل لتقضي وقتك بالبيت والفرص الجاية إذا عرفت تشتغل عليها صح كتير رح تفيدك مادياً وعم تفرح بمناسبة بتخص حدا من رفقاتك عاطفياً هالشهر عم تتعوض بالحنيةو الأهتمام من الشخص الصح بعد ما تعبت الفترة الماضية صحياً في تحاليل بسيطة عم تعملها لتطمن عن صحتك أكتر

الأسد♌

أنشغال كبير بدراستك عم يكون هالفترة عند البعض بس رح توصل للنتائج يلي بدك ياها عم تكون شخص مشهور وأغلب العالم رح تستشيرك لتساعدن بكتير قصص وهالشي عم يحققلك مكاسب مادية كبيرة إذا شتغلت صح عاطفياً العلاقة الحالية عم تمشي بالتطور يلي أنت كنت مخططلو من فترة و البعض منكن عم ينشغل بعلاقة عاطفية جديدة صحياً من غير وجع الراس لازم ترجع تهتم بغذائك لأن نحفت كتير أخر فترة

العذراء♍️

عم تبلش هالشهر بسفر رح يكون طويل اكيد لأن كرمال تحسن من شغلك أكتر وهاد يلي رح يصير مع الفرص يلي رح توصلك أكيد وعم تنشغل شوي بتصليحات شغلك ومكان بيتك أكيد عاطفياً لازم تعطي فرصة لحدا جديد يدخل على حياتك مارح تندم صحياً ممكن تعمل عملية تجميلية بسيطة

الميزان♎️

الفرح عم يرجع ليدق بابك بعد غياب طويل ومن كل النواحي كمان ومع البداية بالتحسن المادي الكبير وفي دين قديم عم يرجعلك مشاكل صغيرة بتصير بينك وبين حدا من رفقاتك بس حلها عم يكون بسيط وأكيد احتفالك بعيد ميلادك رح يشغلك والهدايا يلي رح توصلك في منها ما بيتعوض عاطفياً عم تعيش مستقر ومريح راسك من كل المشاكل يلي رح تصير معك أو يلي كانت تصير صحياً بدك تشكي من وجع معدتك شوي

العقرب♏️

شغلك القديم ممكن ترجعلو وبشروطك لهيك حضر حالك أجتماعات الشغل مارح يكون في أكتر منها كمان والأتصالات كمان وكل هاد عم يكون بصالحك وعم يرافقو تحسن مادي وفي سفر لبلد قريب عند البعض عاطفياً علاقة قديمة عم ترجع تبلش فيها عن جديد ورح تكون مرتاح نفسياً صحياً بدك تشكي من وجع ركبتك

القوس♐️

الأخبار الحلوة يلي رح توصلك من كل النواحي رح تفرحك وكتير كمان خصوصاً أنو عم يرافقها تحسن مادي على طلبك بدك تنشغل مع أهلك من أول أسبوع لأن ممكن يكون في نقلة على بيت جديد وحظك الحلو عاطفياً رح يساعدك لتكمل فرحتك صحياً لازم تحرك حالك قد ما بتقدر لترجع لياقتك متل قبل لأنك رح تكون بحاجة ألها

الجدي♑

هالشهر عم يكون حاسم بالنسبة ألك ولكتير قصص كانت عم تتعبك كتير قبل وأمورك المادية عم تتحسن لتعمل كلشي كنت عم تخطط كرمالو قبل وعم تنشغل بسفر كمان عاطفياً خليك هادي بكلشي بخصك عاطفياً وما تستعجل على شي صحياً ما تهمل صحتك متل قبل رجاع تابع كلشي متل قبل خصوصاً وجع ضهرك

الدلو♒️

العيون والأضواء كلها عم تكون عليك هالفترة لهيك ستغل كل دقيقة ممكن تمر عليك هاد الشهر لتستفيد مادياً بالطريقة الصح أكيد وشهر مناسب للمشاريع الصغيرة يلي كنت عم تفكر مشانها قبل بس أكيد لازم تعرف كيف تختار شركائك عاطفياً خليك مسيطر على كلشي بعنادك ورح تكون الكسبان أكيد صحياً بس بعد عن العالم السلبية يلي حواليك ليرتاح راسك

الحوت♓

أهم الشغلات يلي ممكن تتعب وتشتغل عليها هالفترة عم تكون مع أهلك وتطمن مارح تندم كرمال هاد الموضوع رح تكون المستفيد وكتير ومادياً الأستفادة بس أهم شي ما تخلي حدا يعرف شو هي خطواتك الجاية عاطفياً مع أنو مارح يكون كتير هاد الموضوع هامك بهيك وقت بس في مين رح يدخل حياتك عن جديد وصحياً في عندك تعب عام من ضغط شغلك