توقعات شهر سبتمبر مع خبير الطاقة والابراج مانو

الحمل♈

واحد من أكبر أحلامك عم يكون كتير قريب ليتحقق بشرط أنك تستغل فرصك وشغل جديد عم تبلش بظروف أحسن بكتير من قبل ومردود مادي منيح متل ما أنت بدك وأحسن كمان عاطفياً كتير منكم في عندو فرحا كبيرة وتطور بالعلاقة العاطفية الحالية صحياً بدك تدير بالك من وزنك يلي ممكن يزيد بسرعة

الثور♉

عم تنشغل بسفر ضمن البلد يلي أنت في أو لبلد قريب وعم تستقبل حدا غالي عليك اول فترة عروض شغلك عم تكتر وأنت لازم تعرف كيف تستفيد من الأحسن كرمال ما تتعب عالفاضي وما تنسا تركز على دراستك اخر الشهر عاطفياً ممكن يكون في صلح بعلاقة عاطفية قديمة أو عم تتعرف على شخص جديد رح يعوضك عن كلشي صحياً بتطمن عن حدا كتير غالي عليك وبدك تنشغل بسنانك شوي

الجوزاء♊

مشاريع التجديد بشغلك مارح يكون في أكتر منها وطبعاً كلها لصالحك ممكن يكون في سفر عند البعض وبدك تنشغل مع أهلك شوي وعم تفوت جديد عليك ممكن يكون تجارة لتتحسن أمورك المادية أكتر وهاد يلي رح يصير أكيد عاطفياً بدك تتحمل الضغوطات العاطفية أول أسبوع من هاد الشهر كرمال ما يصير مشاكل وتكبر وبعدين كلشي رح تلاقي صار احسن صحياً ممكن يكون في عملية تجميلية عند البعض

السرطان♋

عم تنشغل بتغير ديكور عندك بالبيت وبمكان شغلك السكن ممكن يتغير عندك البعض اخر هالشهر ليكون أقرب على مكان الشغل تطورات بالشغل مانك متوقعها أبداً وفي توقيع عقد مع شركة جديدة ومعروفة التحسن المادي عم يبلش من اول الشهر بس بدك تضب أيدك عاطفياً ما تستعجل بقراراتك متل كل مرا كرمال ما تندم خليك على مهلك بكلشي صحياً عم تعمل تحاليل بسيطة وأمورك عم تكون تمام

الأسد♌

عم ترجع لتنشغل بدراستك اول فترة ومواعيد شغلك مارح تخلص طبعاً مع مردود منيح ومتل ما أنت بدك العيون والأضواء كلها عم تكون عليك هالفترة وشهرتك عم تزيد أكتر و أكتر وبدك تنشغل مع أهلك شوي بس بالفرح تطمن عاطفياً عم تبعد عن كل العالم السلبية يلي حواليك حتى تبلش من جديد مع الشخص يلي أنت بتحبو وتطور علاقتك معو أكتر صحياً عم يكون في عندك وجع راس كتير هالفترة

العذراء♍️

عم تتصالح أنت وحدا غالي عليك من رفقاتك بعد مشكلة كبيرة بيناتكن شغلك عم يتطور وأمورك المادية عم تكون جيدة بشرط أنك تستغل كلشي والفرصة الصغيرة قبل الكبيرة عاطفياً في عندك تحسن وعم تعطي فرصة لحدا جديد أنو يفوت على حياتك بس الموضوع هاد بدو وقت منك صحياً لازم تهتم بشعرك قد ما بتقدر

الميزان♎️

روحاتك وجياتك بدها تكتر وفي ضغط وتعب كبير بالشغل بس طبعاً النتائج والمردود المادي عم ينسيك كل هالتعب وما تنسا أنو لازم تعرف كيف تستفيد من العلاقات الحالية يلي عندك ويلي رح تكتر كمان مع الوقت وفي سفر لبلد قريب عند البعض عاطفياً التحسن يلي أنت بدك يا رح تلاقي بس بشرط أنك ما تخبر حدا عن المشاكل يلي رح تصير معك حتى الصغيرة صحياً عم ترجع لتلتزم بنادي ولازم تخفف من أكل الملح والدسم

العقرب♏️

الحكي السلبي يلي ممكن تسمعو عنك ويزعجك أهم شي أنك تطنشو وما تفكر غير بشغلك و الفرص الجاية لأن مافي شي منن ممكن يتعوض وأنت وشطارتك بهاد الموضوع أكيد عاطفياً في تحسن كتير كبير عم يكون من نص الشهر بس خلي كل قراراتك من راسك وبس صحياً بدك تدير بالك من وجع ضهرك شوي

القوس♐️

واحد من أحلامك يلي ما بتخلص عم يتحقق هالشهر ومتل ما أنت بدك كمان في ضغوطات عم تكون كبيرة من أهلك بس أنت قدها والاعتماد الأكبر عم يكون عليك بالشغل من مديرك وأكيد هالشي في منو تحسن مادي كتير كبير عاطفياً ممكن ترجع لعلاقة عاطفية قديمة وعم تكون في تطورات كتير كبيرة لقدام صحياً لازم تريح حالك من ضغط التفكير ودير بالك على ضغطك أكتر من قبل

الجدي♑

بدك تنشغل بموضوع جواز السفر والإقامة من اول الشهر بس كل هاد رح ينحل وصح رح يكون في عندك صرف كتير اول فترة بس شغلك رح يتحسن أكتر من يلي أنت متوقعو ورح تعوض كلشي وزيادة كمان عاطفياً قلبك عم يرجع يلهف لشخص ما كنت تتوقع انك تفكر في قبل صحياً بدك تدير بالك على بشرتك

الدلو♒️

العقارات هي أول شغلة بدك تنشغل فيها هالفترة ورح تستفيد منها أكتر من قبل كمان والأهم أنو ما تخبر حدا عن التفاصيل يلي رح تصير معك لا كبيرة ولا حتى صغيرة عزايمك والحفلات رح تكتر وأنت هاد يلي بدك يا عاطفياً مشكلة صغيرة ممكن تصير معك وإذا كنت مصحصح مارح تكبر أكيد صحياً وجع خفيف رح تشكي منو بركبتك ولازم تدير بالك

الحوت♓

اشغالك واعمالك هالفترة اغلبها رح تكون مع أهلك وطبعاً أنت عم تكون المستفيد الأكبر من هاد الشي لو كان الضغط عليك أكتر من قبل مشروع صغير ممكن تبلش في أنت وحدا من رفقاتك أو لحالك بس ما تنسا أنو اول فترة من حدا قادر يساعدك دراستك عم تنشغل فيها من نص الشهر ولازم تركز سيارتك ممكن تتغير أو عم تشتري سيارة ألك إذا ما كان عندك عاطفياً رح يكون في قرارين مهمين لحتى تختار الأنسب تستعجل لحتى تكون رضيان وصحياً نظامك الغذائي كلو ممكن أنو يتغير تغير كامل