توقعات شهر يوليو مع خبير الطاقة والابراج مانو

الحمل♈

شهر لتحقيق الأحلام يلي ما بتخلص وعم يكون في عندك تحسن مادي كبير من أول أسبوع أو تاني أسبوع اذا عرفت تستغل الفرص الجاية بطريقة صح والبعض منكن ممكن يغير مكان شغلو عاطفياً عم ترجع أنت والحبيب بعد غياب مدة طويلة وفي علاقة جديدة عند البعض صحياً بدك تدير بالك من وجع كتافك قد ما بتقدر

الثور♉

معارفك مارح يكون في أكتر منها هالفترة وبدك تستفيد منن كتير كمان بشغل جديد ممكن أو تطور شغلك الحالي وعم تجتمع مع شخص كتير معروف والبعض منكن ممكن يغير موبايلو وبتنشغل بدراستك شوي عاطفياً اخر الشهر أمورك عم تكون كتير تمام بعلاقاتك الجديدة أو الحالية صحياً بدك تنشغل مع حدا من أهلك بالمشافي بس تطمن مافي شي بخوف

الجوزاء♊

تحسن مادي كبير ومو متوقع بالنسبة ألك عم يكون من أول الشهر وبدك تنشغل مع حدا من رفقاتك أو أهلك بعرس أو خطبة ودين قديم عم يرجعلك وعم تتصالح أنت وحدا من رفقاتك بعد مشكلة كانت كبيرة شوي وممكن البعض منكن ينشغل بالبيت عاطفياً بدك تدير بالك من موضوع العين و الحسد وما تخلي مشاكلك تكبر كتير كرمال تريح راسك

السرطان♋

شهر مليان بالمواعيد المهمة والروحات و الجيات يلي ما بتخلص رح تتعب كتير بشغلك بس التحسن المادي يلي عم يكون بنص هالشهر رح ينسيك كل تعبك والمصاري رح توصلك متل ما أنت بدك وأحسن كمان والبعض منكن ممكن يغير سيارتو اذا شد الهمة عاطفياً الأخبار الحلوة يلي رح توصلك عاطفياً هي أفضل شي بالنسبة ألك هالشهر تطمن صحياً لازم تدير بالك على وزنك وأكلك

الأسد♌

شهرتك عم تزيد وكتير كمان والعيون والأضواء كلها عم تكون عليك هالشهر وأمورك المادية رح تكون جيدة كتير طالما رح تكون مبدع بشغلك وبدك تتعرف على عالم كتير مهمة بتفيدك بالشغل عاطفياً أمورك رح تتغير 180 درجة وأكيد للأحسن وخصوصاً بعلاقتك الحالية رح تتعوض عن كلشي صعب كنت تحس في صحياً ممكن تزور دكتور السنان

العذراء♍️

الحكي عنك بدو يكتر وكمان العالم حواليك مارح يكون في أكتر منها هاد الشي عم يساعدك لتطور حالك بالشغل أكتر من قبل وبدك تنعزم كمان وفي عندك سفر ضمن البلد يلي أنت في مادياً في تحسن بس لازم تضب أيدك لأن رح يكون في عندك التزامات كتير كمان عاطفياً في حدا رح يدخل لحياتك وبنسيك همك صحياً بدك تدير بالك من وجع معدتك شوي

الميزان♎️

عم تنشغل مع ضيوفك كتير ومن اول أسبوع مادياً أمورك عم تمشي لتحسن كتير كبير طبعاً بشرط تعرف كيف تشتغل على فرصك يلي جاية بالطريقة الصح وفي عندك سفر ضمن البلد يلي أنت في أو لبلد قريب كمان وبتنشغل بدراستك شوي هاد الشي عند البعض عاطفياً كلمتك هي يلي رح تمشي وعم تكون محظوظ كتير بالشخص يلي رح يكون بحياتك لهيك حافظ عليه منيح صحياً وجع الراس بدك تشكي منو كتير وبتنحف كمان

العقرب♏️

أكتر شي رح تنشهر في هالشهر هو عنادك يلي رح يكون إلو سبب كتير كبير لنجاحاتك لقدام بشغلك وبدراستك حتى فرص التحسن بالشغل عم تكتر من نص هالشهر وممكن تشارك حدا بمشروع صغير ورح تتوفق في بشرط أنك ما تستعجل بالمرا عاطفياً عم يرجع التواصل بينك وبين الحبيب القديم وهاد الموضوع كتير رح يكون مهم بالنسبة ألك صحياً في تحاليل صغيرة لازم تعملها هالشهر

القوس♐️

أول قصة حلوة رح تصير معك هالشهر هو أنو عم تبلش بشغل جديد وعلى طلبك يا كبير والأمور المادية كمان ما تاكل هما لأن عم يبلش فيها التحسن من نص الشهر وعم يرجع التواصل بينك وبين حدا من رفقاتك وممكن تغير مكان سكنك عاطفياً في عندك قرارات مصيرية وصعبة وضروري تاخدها هالشهر بس على مهلك صحياً ممكن تعمل عملية تجميلية صغيرة

الجدي♑️

في عندك زيادة بالراتب وفي مصاري رح توصلك من غير الراتب كمان وفي شغل إضافي رح تبلش في بنص هاد الشهر إذا في عندك دين قديم رح يرجعلك وأنت رح توفي شي من ديونك كمان ولازم تعتمد على حالك أكتر من قبل التحسن العاطفي عم ينسيك بس بدك تدير بالك من المشاكل يلي أنت ممكن تعملها بدون ما تحس حتى صحياً بدك تشكي من وجع ركبك شوي بس الموضوع عادي

الدلو♒️

سفرتك هالشهر رح تكون طويلة كتير وطبعاً أنت رح تستفيد منها كتير رغم التعب والمشاريع الصغيرة يلي كنت تنشغل فيها قبل عالفاضي رح تتوفق فيها حالياً بس بشرط ما تستعجل عاطفياً كتير منكن رح تكمل فرحتو بخطبتو او حتى عرسو صحياً بتطمن عن حدا كتير غالي عليك كان يعاني من الضغط

الحوت♓

هالشهر هاد بالتحديد عم تشتاق لشخص صرلك فترة ما شفتو وأغلب وقتك عم يكون بين أهلك وحتى دراستك وعم تكتر طلعاتك انت ورفقاتك وشغلك عم يكبر بدون ما حدا يحس عليك لأن أنت هيك بدك عاطفياً هاد الموضوع أخر شي رح تفكر في من ضغط شغلك وأكتر شي رح تفرح في صحياً لازم تكتر من الفيتامينات قد ما بتقدر