توقعات شهر يونيو مع خبير الطاقة والابراج مانو

الحمل♈

أخبار حلوة بتخص أهلك عم تشغلك من أول الشهر وطبعاً ما مننسا المردود المادي يلي رح يكون كبير بالمصاري يلي كنت موعود فيها قبل أو حتى يلي رح تكون عن جديد بشغلك والبعض منكن عندو سفر لبلد قريب أو عم يتغير مكان الشغل وفي هدية كبيرة عم توصلكن عاطفياً قرارات صعبة ما تتسرع فيها كتير وخليك على مهلك كرمال تفرحك وصحياً دير بالك على بشرتك أهم شي

الثور♉

عم يتغير مكان سكنك لمحل أفضل من الحالي بكتير واقرب لشغلك حتى البعض منكن عم يغير سيارتو أو عم يصلحا الروحات والجيات رح تكتر ومنها حفلات حتى الأمور المادية بتتحسن من نص الشهر بس خفف مصروفك شوي عاطفياً الحبيب القديم عم يرجع وتطور بالعلاقة العاطفية الحالية صحياً بدنا ندير بالنا من وجع الراس والكتاف كمان

الجوزاء♊

فرص الشغل يلي رح تكون ألك هالشهر ما بتتعوض لهيك ما تضيعها من أيدك وستغلا صح لتتحسن أمورك المادية ومعارفك يلي عم تكتر لازم تعرف كيف تستفيد منن وتحقق حلمك وفي مشاكل قديمة بينك أنت وحدا من رفقاتك عم تنحل عاطفياً خليك مع يلي بحبك ومريح راسك وفي علاقات عاطفية جديدة عند البعض بنص الشهر صحياً عم تنشغل بعملية تجميلية صغيرة

السرطان♋

شهر مناسب ألك لتبلش بمشاريع صغيرة كنت عم تخطط ألها من فترة بس بشرط أنك ما تستعجل كتير وتشتغل على مهلك والبعض منكن عم يغير شغلو الحالي لشغل بحبو أكتر ومردود مادي أفضل كمان عاطفياً كل أمورك رح تمشي رواق بس أهم شي ما تخلي حدا يتدخل فيك لأن بلشت تفكر بالخطوات الجدية وصحياً عم تطمن عن حدا كتير غالي عليك وفي عندك تحاليل بسيطة عم تعملا

الأسد♌

أغلب وقتك رح يكون برا بيتك خصوصاً من اول الشهر وفي عندك فرح كتير بدك تحضر حالك شهرتك عم تزيد كمان وبدك تتعرف على عالم كتير مهمة ومعروفة والتحسن المادي ببلش من تاني أسبوع ياكبير وبدك تنشغل بدراستك كمان ومع أهلك بس بالفرح عاطفياً لازم تكون صبور قد ما بتقدر حتى تتيثر كل أمورك صحياً بدك تدير بالك على وزنك

العذراء♍️

هالشهر ركز على شغلك قد ما بتقدر وما تخلي حدا يشوش على تفكيرك حتى لو أهلك لأن هالشهر بالتحديد لازم تكون قد حالك وما تستنا من حدا شي ورزقتك رح تكون متل ما أنت بدك وأحسن كمان وعندك تصليحات بسيطة بالبيت بدك تنشغل فيها شوي عاطفياً رح يكون هاد شهر الفرح والحظ بالنسبة ألك بس ستغل هاد الشي صح صحياً بدك تدير بالك من موضوع الحساسية خصوصاً يلي معن ربو

الميزان♎️

عم تبلش الشهر بتعب كبير بس مع نتائج حلوة رح تنسيك تعبك بشغلك كان أو حتى دراستك وأهم ما تخلي حدا يعرف شي عن تفاصيل حياتك المهنية أو الشخصية وخلي سرك بينك وبين حالك وعم تبلش بشغل جديد شراكة مع شخص بتحبو وكتير رح تستفاد مادياً عاطفياً ما تستعجل بقراراتك كتير فكر قبل ما تاخد كل خطوة خصوصاً بالعلاقة العاطفية الجديدة صحياً بدك تشكي من وجع سنانك شوي

العقرب♏

شهر مليان بالقرارات العاطفية الصعبة ويلي بنفس الوقت رح تكون حلوة إذا عرفت تاخدها صح عم يكون عندك تغير بمكان السكن وعم توقع عقد لشغل جديد والبعض منكن عم ينشغل بموضوع العقارات مع أهلو وعم تستقبل حدا من السفر وأمورك المادية عم تتحسن من أول أسبوع عاطفياً أنت بحاجة لتفكر على مهلك خصوصاً برجعتك للحبيب القديم صحياً التحاليل يلي رح تعملها بتطمنك عن صحتك أكتر

القوس♐

عقد لشغل جديد عم تنشغل في من البداية لتبلش بالشغل يلي بتحبو وترتاح من قعدتك بالبيت كمان وفي عندك سفر ضمن البلد يلي أنت في أو لبلد قريب أخر هاد الشهر الأمور المادية عم تكون جيدة إذا ضبيت أيدك منيح أكيد وفي ضيف رح يزورك بالبيت وبدك تنشغل في كتير عاطفياً خلي كلشي جواتك وما تستعجل عل حرف واحد لأن الوقت رح يكون كفيل ليبين كلشي قدامك صحياً بدو يوجعك راسك من كتر التفكير شوي

الجدي♑

فرحتك كل هاد الشهر مارح تعطيها لحدا خصوصاً بتحسن شغلك وأمورك المادية وفي مشروع صغير حابب تبلش في أنت وحدا من رفقاتك وما تتردد مشانو لأن رح يفيدك لقدام وبدك تنشغل مع أهلك شوي عاطفياً البعض منكن عم ينشغل بعرسو والتطورات العاطفية يلي صرلو فترة عم يتعب مشانا صحياً بدك تشكي من تعب عام بس مافي شي بخوف

الدلو♒

التفكير بشغلك الجديد والتحسن المادي رح ياخد منك كل وقتك بس مارح تحس بتعب لأن نفسيتك رح تكون كتير تمام وهي رح تساعدك كتير لتوصل للموضوع يلي براسك حالياً عاطفياً متل ما أنت مخطط رح تمشي أمورك وفي قرارات كتير مهمة عم تكون عند البعض صحياً هتم بشعرك أكتر من قبل

الحوت♓

ضحكتك هالشهر مارح تفارقك وبدك تلتهي بشغلك كتير لتعوض كل الخسارات المادية قبل وخصوصاً الشهر الماضي وعم تتعوض تطمن وبتنشغل بدراستك بنص هاد الشهر وبدك تتعرف على عالم كتير عاطفياً العلاقة العاطفية يلي رح تبلش فيها عن جديد بتطور بسرعة بس بدك تدير بالك من العين صحياً بدك تنشغل مع أهلك شوي بس بموضوع صغير كتير