ردت النجمة دينا الشربيني على الشائعات المنتشرة منذ إعلانها تعاقدها على بطولة فيلم “تاج” بجانب النجم تامر حسني، وأن هناك علاقة عاطفية تجمعهما.
قالت دينا الشربيني مع الاعلامية ايلي نخله لبرنامج انسادير بالعربي: “لو أشاهد أي من هذه الشائعات والمنشورات عبر مواقع التواصل الاجتماعي عني أنا وتامر حسني، مافيش ربط أي حاجة، الناس يتكلموا عادي، ومش فارقة معايا الـmemes اللي بيعملوها، هذا بالضبط ما أكرهه في هذه المواضيع” حسب تصريحاتها لبرنامج “The Insider بالعربي”.
وتابعت: الكلام دا مش بيفرق معايا، عادي، لما بشوف حد بيتقال عليه كده ممكن ازعل، بزعل من الناس اللي بتتكلم من دون ما تبقى فاهمة حاجة أو عارفة حاجة أو ليه، ممكن انا ما بيفرقش معايا بس ممكن يكون فيه حد ثاني بيفرق معه، ممكن حد ثاني يتضايق ممكن حد ثاني تعمله مشكلة لناس ف ليه؟ ملهاش لزمة”.
وكانت دينا الشربيني تحدثت عن قصة الحب التي تعيشها قائلة: “أعيش قصة حب وحاسه إن العلاقة دي هتكون ناجحة أكتر من أي علاقة تانية عشان هو شخص يستحق الحب الجامد أوي”، وذلك حسب تصريحاتها لبرنامج “كلام نواعم” عبر قناة MBC1.
يذكر أن دينا الشربيني تشارك في بطولة فيلم “تاج” للنجم تامر حسني، والمقرر طرحه قريبا، وتدور أحداثه في إطار كوميدي فانتازي، حول تامر حسني الذي يجسد شخصيتين لأخوين توأمين يمتلكان قوة خارقة، اسمهما تاج وهارون، ويمران بالعديد من الأزمات مع تتابع الأحداث.