توقعات شهر مايو مع خبير الطاقة والابراج مانو

الحمل♈

معارفك عم تساعدك لتطور من شغلك أكتر وأكيد في تحسن مادي عم يكون كتير كبير وبداية لشغل جديد عند البعض وفي سفر كمان للبعض عاطفياً مشاكل قديمة عم تنحل بينك وبين شريكك وعلاقة عاطفية جديدة عم يبلشو فيها البعض من آخر الشهر صحياً بدك تدير بالك من وزنك يلي ممكن يزيد بسرعة

الثور♉

يلي عم ينشغل بتغير بيتو او ممكن سيارتو مشاكل قديمة بتخص الشغل بترجع بتنفتح كرمال تتصلح وبتبلش بشغل جديد مع حدا كتير معروف وشهرتك بتزيد انت كمان عاطفياً عم تطلع من علاقة عاطفية كتير صعبة ضليت تعاني منها شهور وبتبلش بقصة جديدة مع حدا تاني عم يعوضك عن كل همك صحياً لازم تخفف من أكل السكر قد ما بتقدر وتعتني بشعرك

الجوزاء♊

فرج همك عم يبلش معك من أول أسبوع ومكمل معو التحسن المادي يلي عم يكون جيد بعد ما خسرت مصاري كتير اخر أسبوع من الشهر الماضي وبالنهاية كلو رح يتعوض وشغلك عم يتطور بشرط أنك تبعد عن الحساد يلي حواليك وتختار العالم الصح خصوصاً أنو ممكن تبلش بمشروع جديد وما عندك خبرا كبيرة في عاطفياً مع أنو مارح تكون كتير مهتم لهاد الموضوع بس في مين بيدخل حياتك عن جديد وصحياً تحاليل بسيطة عم تعملا وبتطمن عن حدا غالي عليك

السرطان♋

شغل جديد عم ترجع تبلش في حياتك وتعيد ترتيب وراقك من الأول لأن كتير خبصت اخر الشهر الماضي وصار لازم تصلح كلشي وعالفرص يلي جاية وطبعاً اذا ستغليتا صح أمورك المادية رح تكون منيحا وطبعاً لازم تضب أيدك شوي وتركز على مواعيدك يلي مارح يكون في أكتر منها من نص هاد الشهر عاطفياً البعض منكن عم يفرح الفرحا الكبيرة وعيلتو عم تكبر والبعض عم يكون عندو مشاكل صغيرة ولازم ما يخليها لتكبر صحياً بعد عن كل العالم السلبيين يلي حواليك لأن رح تكون بحاجة لتركيز كبير

الأسد♌

تفاصيل كتير مهمة وبنفس الوقت مصيرية عم تشتغل عليها لتحسن من أمورك المهنية والمادية أكتر وبتزيد شهرتك كمان لأن معارفك عم تكتر بس بشرط أنك ما تخبر حدا عن التفاصيل هاد الموضوع والبعض منكن ببلش ينشغل بدراستو يلي رح تاخد كل وقتو من نص الشهر عاطفياً حدا جديد عم يدخل لحياتك برضاك مع أنو مو كتير رح تكون مقنع في بالبداية صحياً عم ترجع لتلزم بالنادي والبعض منكن عندو عمليةتجميلية بسيطة

العذراء♍️

من اول الشهر ضغط شغلك عم يكون مرافقك بس مع نتائج حلوة هالمرا والبعض منكن عم ينقل لبيت جديد أو عم يغير ديكور بيتو الحالي وعم تنعزم على عيد ميلاد لشخص كتير غالي عليك عاطفياً أكتر وقت رح تكون في مشغول ومضغوط عم يكون في مين ينسيك همك ويطلعك من جو التعب يلي أنت في بس البعض منكن لازم ما يستعجل بقراراتو العاطفية خصوصاً بنص هالشهر صحياً بعد ما تخلص من ادويتك يلي عم تاخدا حالياً عم تبلش تاخد أدوية اخف لهيك تطمن

الميزان♎️

روحاتك وجياتك بتكتر هالشهر وأغلب مشوايرك عم تكون بعيدة منها لشغل ومنها تغير جو ألك خصوصاً أنو عم تكون شخص كتير أجتماعي وحابب ترجع تكبر علاقاتك كرمال تستفيد منها بشغلك لقدام عاطفياً الحبيب القديم ممكن يحاول يرجع يفوت لحياتك بس يفضل أنو أبداً ما تعطي مجال وما تفكر غير براحتك والبعض منكن قلبو عم يبلش يدق عن جديد وممكن يبلش بعلاقة عاطفية جديدة صحياً البعض منكن بيشكي من وجع كتافو او ركبو

العقرب♏

الأخبار الحلوة يلي صرلك فترة مستنيها وبتخص شغلك منها هالشهر ومن أول أسبوع رح توصلك وبتكون متل ما أنت بدك وأحسن كمان منها تحسن مادي وتحسن بالشغل الحالي يلي صرلك فترة عم تتعب كرمالو والبعض منكن ممكن يشتغل شغلين عاطفياً بدك تعد للمليون قبل ما تدخل علاقة عاطفية جديدة وهالشهر يفضل أنو ما تستعجلو بقرارتكن وصحياً بدك تدير بالك من وجع عيونك وكتافك شوي

القوس♐️

هالشهر بالنسبة ألك عم يكون 90% منو شغل ألك وطبعاً مع مردود مادي مو جيد ممتاز هاد بحال اذا عرفت كيف تستغل فرصك بالطريقة الصح وممكن يصير سفر عند البعض ودين قديم عم يرجعلك او تعويض او بيوصلك مبلغ من أهلك عاطفياً قرارات كتير صعبة بدك تاخدها وممكن كتير منكن ينهي علاقاتو كرمال يرتاح راسو ويركز بس على شغلو المحظوظ منكن في حدا عم يفوت على حياتو بدون ما يكون متوقع حتى وصحياً في تعب عام مو أكتر من كتر الضغوطات يلي رح تكون

الجدي♑

شهر للمشاريع الجديدة الشراكات المهنية الجديدة يلي رح تعوضكن عن كل التعب الماضي بس بشرط أنو ما تستعجلو على شي كرمال الأستفادة المادية تكون كيبرة كمان عاطفياً تحسن أمورك العاطفية هالشهر رح يكون ألها دور كتير كبير لتغير نفسيتك للأحسن وبتخليك تركز بشغلك ودراستك أكتر ويلي صبر منكن عاطفياً الشهر الماضي رح يوصل لكلشي بدو يا هالشهر وصحياً البعض منكن عم يزور دكتور الأسنان

الدلو♒

عم تفوت بجو جديد عليك بالنسبة لشغلك وفي مواضيع رح تكون صعبة عليك بس بالنهاية رح تنحل وأنت رح تكون الكسبان وتستفيد طبعاً إذا عرفت تشتغل صح والأهم أنو ما ترد على حكي العالم يلي بدو يطلع عنك عاطفياً تطور كتير كبير بعلاقتك الحالية بعد مشاكل كبيرة ونحلت وصحياً حاول ما تتعب حالك بالمشي كتير

الحوت♓

من البداية عم تتصالح أنت وحدا من رفقاتك كان في مشاكل قديمة بيناتكن وانت يلي حليتا وبدك تشتغل على موضوعك شهرتك أكتر ورح تتوفق بس أكيد بدك تدير بالك ما تهمل شغلك الأساسي او حتى دراستك وعاطفياً الشخص يلي أنت معجب في رح تتحسن علاقتكن أكتر وصحياً بتطمن عن حدا من أهلك