حظك ليوم الاثنين 10 أبريل مع خبير الابراج والطاقة مانو
الحمل♈
ما تخلي حدا يتدخل فيك هالفترة كلشي أنت مقتنع في عملو بدون ما تستنا حدا شي أبدآ لأن يلي عم تفكر في صح
الثور♉
كرمال يصير كلشي متل ما أنت بدك لازم تهتم بحالك أكتر وتجرب قصص جديدة بشغلك ما تعتمد على شي واحد بس
الجوزاء♊
الأخبار الحلوة عم توصلك من كل النواحي وخصوصاً بخصوص شغلك حتى والمصاري عم توصلك كمان
السرطان♋
أمورك العاطفية اليوم عم تكون مكركبة لهيك ما تاخد قرارت مصيرية ولا تبلش بخطوة جديدة ركز على شغلك وشهرتك قد ما بتقدر
الاسد♌️
حاول تمرق اليوم بدون ما تناقش او حتى تحدد مع حدا لأن رح تكون شخص كتير انفعالي والمسا كلشي رح يكون أحسن بس الصبح بدك تدير بالك شوي
العذراء♍️
يومك مارح يمرق بدون مشكلة لو هي المشكلة صغيرة وممكن تكبر شوي اذا انت عاندت لهيك بلا عنادك اليوم كرمال تنحل المشكلة
الميزان♎️
كتير صار عم تطول بنومك مع أنو مانك عم تتعب هالتعب الكبير بس ماضل عندك طاقة متل قبل ومن بكرا عم ترجع لنشاطك
العقرب♏
لاتعطي مجال كبير للعالم يلي حواليك خليك عم تتعامل مع الكل بحدود هيك افضل ألك وأكيد لازم تعتمد على حالك أكتر
القوس♐️
هاد الوقت كتير مناسب ألك لتبلش بمشاريع صغيرة او تشارك حدا بالشغل بس طبعاً بدون استعجال
الجدي♑
ركز على طموحك قد ما بتقدر هالفترة وما تفكر بشي تاني غيرو وبعد عن العالم السلبية يلي صارو كتار حواليك
الدلو♒
مافي داعي تحط حالك بجو ضغط هالفترة خليك عم تشتغل كلشي أنت ومرتاح بدون ما تحمل حالك فوق طاقتك
الحوت♓
صار لازم تسمع كلام يلي حواليك ونصائحن لأن مانك عم تفكر صح من كتر مانك مشوش