هاجمت الفنانة المصرية بدرية طلبة الإعلامية ياسمين عز، متهمة إياها بمحاولة هدم العلاقة بين الزوجين دون قصد.
وانتقدت بدرية طلبة تصريحات ونصائح ياسمين عز للزوجة، خاصة تلك التي تطالبها بالحديث مع زوجها مستخدمةً لقب “أستاذ” والحديث بصوت “شتوي”.
وقالت طلبة في مقطع فيديو شاركته عبر حسابها في “فيسبوك”: “إيه يا ياسمين إحنا ماشيين بالعلاج، كل واحدة فينا فيها اللى مكفيها، اللى متجوزة ومستنياها تقول يا أستاذ محمد فيها اللي مكفيها، بدل ما تطول فى المد بالألف مفيش وقت الناس بتكح تراب وانتي جاية تقولي لها مدي بالألف، يعني الكلكعة اللي في قلبي منك زادت”.
وأوضحت بدرية أنها لو تحدثت مع زوجها بتلك الطريقة، سيرمي على وجهها طبق الملوخية، مُشيرةً إلى أنها تتفهم أن ياسمين تقصد الخير، لكنها تفتعل بذلك المشاكل بين الأزواج دون قصد، وقالت مضيفة: “بعد ما أقوله يلا يا محمد أقوله محمد بمد الالف واتنحنح شتوي، لا يا ياسمين لا، والله يا ياسمين يوم ما كنت بقوله يا قلبي، أحس إني في إيه، لا وقت للدلع المرق، بصي يا ياسمين إنتي خلتينا فعلا نكلم نفسنا.”
وسخرت بدرية من حديث ياسمين عن الصوت الشتوي والصيفي، وسماح الزوجة بزواج شريكها من امرأة أخرى، قائلة: ” وبعدين اي الصوت الشتوي ده يعني الست تلبس بطانية وهي بتتكلم ولا اي، وحتة الزوجة التانية الرجالة نفسهم مش مقتنعين، دانتي ممكن تروحي تقضي على جوزك يوم الصباحية.”