حلت الفنانة المعتزلة زيزي عادل، ضيفة مع الإعلامية ياسمين عز، في برنامجها كلام الناس، وتحدثت عن تفاصيل اعتزالها الفن.
ووجهت لها ياسمين عز سؤالًا عن رأي الداعية مصطفى حسني في الغناء وهل قال إنه حرام أو حلال، فردت قائلة:”أهي دي الأسئلة الصعبة، خلينا متفقين إن في أسس علشان انتي مغنية لازم تعمليها، في كذا حاجة بتحصل غلط، علشان أقول كلام حب أو هجر فيه تحريك للمشاعر ودا كله حرام “الفكرة كلها على بعضها حرام”.
وأضافت: لما أطلع على الاستيدج لازم ألبس فستان وأتحرك مع المزيكا أكيد مش هقف تمثال، وكان فيه حاجة بتضايقني جدًا في الحفلات مش عندي قدرة ألغيها وأنها إن اللي حاضر بيصورني من زوايا زي ما هو عاوز وبيجيب من الحتة اللي عاوزاها ومش عندي الحق أقول له ما تصورش.
وأردفت زيزي عادل: أنا معرضة أني أتصور على كل موبايلات الناس، بتصور من زواية اللي هو يختارها، وبيزوم من الحتة اللي هو عايزها، أنا معرضه إني اتصور على كل تليفونات الناس، وبعدين تروح تفرج صاحبك عليا.
وسألت نفسي ليه أكون متاحة لكل الناس وعلى كل التليفونات، ليه ماكنش ست قاعدة في بيتي مش متاحة لكل الناس.
ونستعرض لكم أبرز تصريحات زيزي عادل في برنامج كلام الناس: –
الناس افتكرت إني اتحجبت ولكن دا كان سوء فهم لأني آخر حاجة قدمتها كان ألبوم ديني اسمه سيبها على الله ونزل في رمضان وكنت لابسة حجاب فيه.
اعتزلت لأني اكتشفت إني هاخد معايا أعمالي وبدأت أفكر إني مش مستعدة أقابل ربنا بـ حياة المطربة، وكنت عايزة أحس إني مستعدة أقابل ربنا لأن محدش صغير على الموت.
الغناء فيه أسس لازم تتعمل علشان أكون مطربة منها إني أعمل فيديو كليب ويكون معايا موديل، وفي كذا حاجة غلط بتحصل، والفكرة كلها على بعضها حرام.
قرار اعتزالي من عند الله، وحسيت كأنه بعتلي وقالي سيبي الفن وحاجة.
مش صح الست تتحجب عشان زوج لأنه هيكون عن عدم اقتناع.
بحب أسمع مصطفى حسني وعامله له متابعة من قبل ما أعتزل، ولما قابلته شخصيا ارتحت وناس كتير حسدتني على المقابلة دي.
لو رجع بيا الزمن أكيد مكنتش هروح برنامج ستار أكاديمي، عشان دلوقتي بعد تغيير فكري وتقربي من ربنا يخليني أقول إن كان فيه حاجات كتير مكنش المفروض أعملها.
ستار أكاديمي كبرنامج فكرته لا تناسب تقاليد مجتمعنا، كان فيه كاميرات في كل مكان، حتى الحمامات كان فيها كاميرات عند المرايات.